Charter Document - 07020494
| Charter Number: | 07020494 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1272 |
| Date type: | Internal, Calendar, Regnal |
| Resource Link(s): |
Borthwick Institute - Register 2 (f53v) |
Charter:
Edwardus Dei gratia rex Anglie dominus Hybernie et dux Aquitanie vicecomiti de B salutem Cum defuncto jam celebris memorie domino Henrici rege patre nostro ad nos regni gubernaculum successione hereditaria et procerum regni voluntate et fidelitate nobis prestita sit devolutum per quod nomine nostro qui in exhibitione justitia et pacis conservatione omnibus et singulis de ipso regno sumus ex nunc debitores pacem nostram dicti magnates et fideles nostri jam fecerant proclamari tibi precipimus quod per totam ballivam tuam predictam pacem nostram publice clamari et firmiter teneri facias inhibendo omnibus et singulis sub periculo exheredationis necnon amissionis vite et membrorum ne quis pacem nostram infringere presumat Nos enim omnibus et singulis de eodem regno in omnibus juribus et rebus ipsos contingentibus contra quoscumque tam majores quam minores parati sumus et erimus plenam auctore Domino justitiam exhibere Teste W[alterus] Ebor archiepiscopo apud Westmonasterium xxi die Novembre Anno regni nostri primi