Charter Document - 07020462
| Charter Number: | 07020462 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Assurance |
| Date: | 1272 |
| Date type: | Internal, A.D., Feast, Papal |
| Resource Link(s): |
Borthwick Institute - Register 2 (f51v) |
Charter:
Universis presentes litteras inspecturis Ancherus miseratione divina tituli Sancte Praxedis sacrosancte Romana Ecclesie presbiter cardinalis salutem in Domino sempiternam Cum nos dilectum cursorem nostrum Robinum dictum Galopin de Landucio latorem presentium pro quibusdam nostris negotiis ad partes Francis et Anglis transmittamus universitatem vestram requirendam duximus et rogandam quatinus ipsum nostri amoris intuitu et ob Apostolice Sedis reverentiam cum per vos transitum fecerit per terras et potestates vestras ire et redire secure et libere et absque inpedimento aliquo permittatis ita quod a Domino mereamini gloriam et a nobis possitis merito commendari Scituri pro firmo quod quicquid ipsi curialitatis et gratie factum fuerit non sibi set nobis reputabimus esse factum Datum in Urbe in domo nostra sancte Praxedis anno domini MCCLXX secundo die jovis ante Ramos Palmarum pontificatus domini Gregorii Pape decimi anno primo