Charter Document - 07020407
| Charter Number: | 07020407 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1267 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f48v) |
Charter:
W[alterus] [] magistro Willelmo Passemer rectori ecclesie de Kane salutem Querelam Symonis de Meaus rectoris capelle de Hildoveston recepimus continentem quod vos eum relicto ecclesiastico judice super decimis et rebus aliis ad secularia judicia trahitis contra statuta Concilii et beneficium quod toti ecclesiastico collegio a Canone indulgetur Ne igitur [per] improbitatem aliquam aut nostram quod absit negligentiam ecclesiastica vilescat auctoritas que nobis in parte gubernanda mandatur vobis et procuratoribus vestris sub pena canonica que vos non latet districtius inhibemus ne ad hujusmodi examen prohibitum ulterius convolatis aut contra Symonem predictum causam hujusmodi in seculari foro vetito prosequi presumatis cum judex ecclesiasticus sit in promptu qui eodem Symone volente etiam vel invito vobis dante Domino vult et potest super hiis et aliis justitiam exhibere Datum apud Cawode vij idibus novembre anno predicto anno gratie MCCLX septimo