Charter Document - 07020406
| Charter Number: | 07020406 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1267 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f48v) |
Charter:
Priori de Neweburg salutem gratiam et benedictionem Intelleximus quod prioratus monialium de Kylling cui olim tanquam yconomus prefuistis vestris temporibus prospere regebatur ex quo sumimus conjecturam quod conditiones personarum et rerum ejusdem clarius aspicitis et affectu prosequi cupitis cariori Ad cujus regimen frater Gregorius de Lesset professor vestri ordinis ydoneus yconomus et custos necessarius vestro ut audivimus testimonio perhibetur qui et dictis monialibus gratus existit Volentes igitur ut tenemur eis et ecclesie suze quarum compatimur infortuniis in hiis precipue quce ad nostrum spectant officium salubriter providere discretioni vestre mandamus quatinus eundem fratrem Gregorius tanquam yconomum et custodem in prioratu predicto auctoritate nostra ordinare curetis ac priorisse et monialibus injungere vice nostra quod eidem in hiis qua spectant ad yconomum seu custodem intendant donec aliter super hoc duxerimus ordinandum et quid super hiis feceritis nobis per litteras vestras patentes harum seriem continentes fideliter intimare Datum apud Cawode vij idus novembre anno gratie MCCLX septimo