Charter Document - 07020357
| Charter Number: | 07020357 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Assigned |
| Resource Link(s): |
Borthwick Institute - Register 2 (f42r) |
Charter:
Magistro W[illelmus] de Corneri salutem Vestre grate devotionis affectus quem erga nos geritis sicut per certa indicia sepe probastis valde nos obligat et astringit ut ad ea qua grata vobis fuerint et accepta libentius in clinem ur et eadem prompto favoris desiderio prosequi debeamus Sane vacante nuper ecclesia de Schipwit nostre dioecesis per mortem Emerici de Rupe Chaward quondam rectoris ejusdem auctoritate litterarum Sedis Apostolice per quas prout nostis nobis indultum existit ut certo numero clericorum nostrorum de beneficiis ecclesiasticis ad quorumcumque religiosorum seu aliarum personarum ecclesiasticarum in dioecesi nostra et provincia collationem seu presentationem spectantibus providere possimus N le Brun clerico et consanguineo nostro de ecclesia providimus memorata ipsumque in possessionem ejusdem induci fecimus corporalem quam cum per quatuor dies continuasset pacifice demum litteras religiosorum virorum prioris et conventus Dunolm recepimus per quas vos presentarunt ad eandem Hinc igitur in perplexitatem perducti tum quia promotionem vestram non minus quam dicti consanguinei nostri sine cujus prejudicio factum nostrum revocare non possumus affectamus tum quia per hoc auctoritati nostre predicte cum undique rite et sollempniter sit processum in numero providendorum detraheretur aperte providentie vestre duximus relinquendum ut juxta processus nostri predicti seriem quid deceat et expediat prudenter attendentes quid vobis placeat in hac parte nobis quamtocius significetis et nos ordinationem vestram quatenus possumus immo prout volueritis exequemur Bene valeatis