Charter Document - 07020356

Alexander episcopus servus servorum Dei dilecto filio magistro Adenulfo capellano nostro salutem et apostolicam benedictionem Ut favoris prerogativam quam in nostris et fratrum nostrorum oculis optines ad utilitatem tibi sentias et profectum auctoritate tibi presentium indulgemus ut proventus beneficiorum cotidianis distributionibus dumtaxat exceptis ac pensionum tuarum qua in regno Anglie optines possis in absentia cum integritate percipere non obstante quavis contraria consuetudine vel statuto maxime illo quo Anglici nuper statuisse dicuntur ut nullus beneficiorum suorum ipsius regni proventus possit in absentia nisi solam medietatem vel certam partem percipere vel habere vel quovis alio edito vel edendo etiam si sint juramento confirmatione Sedis Apostolice aut alia quavis firmitate vallata seu indulgentia vel litteris dicte Sedis cujuscumque tenoris fuerint Maxime quibus dioecesanis conceditur ut rectores canonicos et alias personas ecclesiarum ad residendum in eis possint per subtractionem proventuum vel privationem beneficiorum ipsorum seu etiam censuram ecclesiasticam coartare Nos enim irritum et inane decernimus si quid contra presentis indulti tenorem contigerit attemptari Nulli ergo omnino hominum liceat hanc paginam nostre concessionis et constitutionis infringere vel ei ausu temerario contraire Si quis autem hoc attemptare presumpserit indignationem Omnipotentis Dei et Beatorum Petri et Pauli Apostolorum ejus se noverit incursurum Data Viterbii kalendas Decembri pontificatus nostri anno tertio