Charter Document - 07020315
| Charter Number: | 07020315 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1268 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f38r) |
Charter:
W[alterus] permissione divina Ebor Archiepiscopo et Johanni de Bocking clerico [] Quia de tuis scientia honestate et moribus zeloque devotionis confidimus custodiam ecclesie de Clifton nostre dioecesis cum suis pertinentiis et Symonis Brus ad eandem presentati pro eo quod in scientia ordinibus defectum patitur et etate tibi committimus ad nostre beneplacitum voluntatis ita quod dictum Symonem in studio et alibi honeste exhibeas et instruas diligenter et quod ecclesie ipsi per idoneos ministros interim prout convenit facias de serviri ita quod animarum cura nullatenus negligatur Et quia volumus quod dilectus clericus noster magister Henricus de Branteston cui custodiam ipsam prius commiseramus concessa sibi gratia destituatur omnino et ut per ejusdem industriam ecclesie ipsius juribus et utilitatibus dum caret rectore securius prospiciatur volumus et ordinamus quod ipse per manus tuas vel alterius cujuscunque cui custodiam ipsam inposterum duxerimus committendam quatuordecim marcas in festo Sancti Martini in hyeme et in festo Pentecostes pro equalibus portionibus apud Clifton habeat et percipiat annuatim quousque presentatus predictus ad legitimam etatem perveniens institutionis gratiam meruerit optinere Ita igitur habere te studeas in premissis ut industriam tuam et merita in Domino commendare debeamus Datum Lond Kalendas Junii MCC sexto octavo