Charter Document - 07020311
| Charter Number: | 07020311 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1268 |
| Date type: | Assigned |
| Resource Link(s): |
Borthwick Institute - Register 2 (f37v) |
Charter:
W[alterus] permissione divina Ebor Archiepiscopo [] dilecto filio decano de Bingham clerico salutem gratiam et benedictionem Cum dilecti in Cristo filii decanus et capitulum ecclesie nostre Ebor nuper sede Ebor vacante presentato sibi quodam ad ecclesiam de Clifton qui in etate et ordinibus defectum patiebatur gratiam sibi facere volentes ecclesiam ipsam sibi commendaverint presentatum ipsum et ecclesiam predictam custodie magistri Gregorii de Hugate committendo licet de ecclesia ipsa et ipsius juribus tanquam vacante rigore inspecto libere ordinare possemus et eidem de rectore licite providere eo quod tamen jam per annum et amplius sedem ecclesie Ebor pontificalem tenuerimus post quod saltem dicti capituli gratia seu commenda juris effectum habere non potuit nullus tamen pro dicto presentato aut etiam custode ejusdem se nobis hactenus presentare curavit gratie predicte continuationem seu etiam justitiam petiturus aut recepturus sicut videtur auctoritatem nostram contempnentes dicto tamen presentato ad huc de benignitate deferentes processum nostrum contra ipsum ad presentes suspendimus Verum quia ecclesiam ipsam custodie dilecti clerici nostri magistri Henrici de Branteston commisimus usque ad nostra beneplacitum voluntatis tibi mandamus quatinus ipsi magistro de fructibus et obventionibus ipsius ecclesie cum integritate facias respondere donec aliud a nobis super hoc receperitis in mandatis Et quia dictus Gregorius a tempore creationis [sue] fructus ejusdem ecclesie percepit ad se nullo modo pertinentes tibi mandamus quatinus ipsum peremptorie citare procures ut in crastino instantis sinodi compareat coram officiali nostro apud Suwell super hoc responsurus facturusque et recepturus quod postulaverit ordo juris Fructus vero et alia bona ipsius qua ibidem inveneritis arcius detineas sub sequestro donec aliter de eisdem duxerimus ordinandum Datum []