Charter Document - 07020287
| Charter Number: | 07020287 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1267 |
| Date type: | Internal, A.D., Feast |
| Resource Link(s): |
Borthwick Institute - Register 2 (f34v) |
Charter:
W[alterus] permissione [] discreto viro ac dilecto in Cristo archidiacono Notingh salutem [] Ad curam sollicitudinis pastoralis divina providentia nos vocavit ut ecclesiarum jura integra conservemus inter alia tamen officii nostri debita illud est nobis specialiter reservatum ut in dioecesi nobis commissa sectiones seu divisiones ecclesiarum vel etiam assignationes portionum in eis citra Apostolice aut nostre provisionis arbitrium non procedant Cum igitur religiosi viri prior et conventus de Lenton nostre dioecesis quasdam portiones parochiali ecclesie de Lenton pertinentes item oblationes et mortualia que perpetuus vicarius de eadem pacifice possedit ut dicit tam contra inquisitionem auctoritate predecessoris nostri olim factam quam inite postmodum inter ipsos compositionis optentum sibi auctoritate propria usurpasse et eisdem portionibus oblationibus mortuariis predictum vicarium spoliasse dicantur discretioni vestre mandamus quatinus auctoritate nostra inquiratis super hiis diligentius veritatem et si inveneritis ita esse predicto vicario integre restituto prefatos priorem et conventum ab hujusmodi molestiis taliter compescatis quod tam ipsi quam alii studeant a similibus abstinere Et quid super hiis feceritis nobis per vestras patentes litteras harum seriem continentes curetis fideliter intimare ut si forsitan iterata super hoc ad nos querela perveniat congruum responsum possimus precibus adaptare Datum apud Otindon in crastino assumptionis beate Marie anno gratia MCCLXVII