Charter Document - 07020281
| Charter Number: | 07020281 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Bond |
| Date: | 1266 - 1272 |
| Date type: | Assigned |
| Resource Link(s): |
Borthwick Institute - Register 2 (f33v) |
Charter:
Omnibus Cristi fidelibus ad quos presentes littere pervenerint Willelmus Dei gratia Ebor archiepiscopus et Anglie primas et [] eadem gratia abbas Westmonasteriensis salutem in Domino Noveritis nos et quemlibet nostrum teneri et obligatos fore nobili viro domino Edmundo de Alemania executoribus vel assignatis suis in mille marcis sterlingorum quas pro necessariis nostris et ecclesie nostre negotiis expediendis mutuo recepimus et habuimus ac in ecclesie nostre utilitatem conversas esse profitemur Quam etiam pecuniam tenemur et stipulatione sollempni promittimus reddere et solvere eidem domino Edmundo executionibus vel assignatis suis apud Walling ad talem terminum anno tali una cum dampnis et expensis quas occasione dicte pecunie perquirende fecerint vel incurrerint si in solutione dicte pecunia termino antedicto defecerimus et ducentas libras pro transgressione termini antedicti Super quibus dampnis et expensis et dictis ducentis libris volumus et concedimus quod stetur et credatur simplici assertioni predicti domini Edmundo executionibus vel assignatis suorum absque alicujus alterius onere probationis Et ad hec omnia sine fraude dilatione vel dolo fideliter observanda obligamus nos et successores nostros terras et tenementa et omnia bona nostra mobilia et inmobilia ecclesiastica et mundana presentia et futura communia omnium nostrum et propria singulorum Ita quod si forsan in solutione predicta quod absit suo termino defecerimus vel in toto vel in parte fuerit cessatum volumus et concedimus pro nobis et successores nostris quod liceat prefato domino Edmundo executionibus vel assignatis per eorum ballivos predicta omnia terras tenementa et omnia bona nostra mobilia et inmobilia ubicumque fuerint inventa propria auctoritate ingredi vendere et alienare vel pro eorum voluntate tam diu tenere donec de predicta pecunia unacum dampnis et expensis supradictis plenaria fuerit satisfactum Renunciantes in premissis omnibus et singulis brevi nova disseisine omni exceptioni cavillationi defensioni omni privilegio consuetudini statuto omni juris remedio tam canonici quam civilis litteris etiam apostolicis et regiis impetratis et impetrandis per qua vel quas dicta solutio tam debiti principalis quam dampnorum et expensarum quoquomodo poterit retardari seu impediri Recognovimus etiam in curia domini nostri regis et in rotulis cancellaria sue irrotulari fecimus quod si in solutione predicta defecere mus dominus rex de terris et catallis nostris predictis et successores nostrorum fieri et levari faciat quicquid a retro fuerit tam de debito principali quam de dampnis et expensis supradictis ad opus ipsius domini Edmundi executionibus vel assignatis suorum sine quolibet inpedimento