Charter Document - 07020238
| Charter Number: | 07020238 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1270 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f29v) |
Charter:
W[alterus] permissione divina dilecto in Cristo filio Johanni de Selleston vicario ecclesie de Rowell salutem gratiam et benedictionem Devotionis tue precibus inclinati ut in subsidium Terre Sancte pio peregrinationis proposito valeas proficisci et ibidem per quinquennium continuum immorari ac interim fructus et obventiones vicarie tue predicte cum integritate qua decet percipere liberam tibi tenore presentium de gratia nostra speciali tribuimus facultatem Proviso quod in dicta ecclesia de Rowelle fiat officium divinum scilicet quod ad te pretextu vicarie antedicte dinoscitur pertinere ac alia ejusdem onera prout consuevit agnoscere facias competenter Datum apud Cromdom ij nonas Julii anno gratia MCCLXX