Charter Document - 07020213
| Charter Number: | 07020213 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1269 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f27r) |
Charter:
W[alterus] permissione divina dilectis in Cristo filiabus priorisse et monialibus de Sancto Clemente extra murum civitatis Ebor salutem Cure pastoralis sollicitudinis incumbit vehementer ut bona pauperum cum ea discretione indigentibus dispensentur ut se quod suum est gaudeant feliciter suscepisse et alimenta non deficiant laboranti qui Cristi ovibus pabulum salutis subministrat et vineam Domini vigilanter excolit ut tenetur Hinc est quod cum ecclesia parochialis de Thorp super Usam juxta Ebor per mortem Arnoldi de Berkelay clerici quondam rectoris ejusdem vacans esset advertentes quod domino Henricus illustris rex Anglie jus patronatus ejusdem pro salute anime sue per cartam suam quam de ipso habetis nobis procurantibus contulerat vobis nuper compatientesque inopie vestre quam sustinuistis non absque miseria famis et sitis ine ditatis et frigoris patienter et prolixe dictam parochialem ecclesiam cum omnibus juribus et appendiciis ad eam spectantibus salvis portionibus vicarie ejusdem per nostrum officialem ex nostro mandato prout inferius scribuntur assignatis vobis in proprios usus perpetuo possidendam concedimus conferimus seu donamus una cum canonica presentatione vicarii ad eandem quotiens vicaria vacaverit justo modo ita scilicet quod archiepiscopali et archidiaconalia necnon et librorum et ornamentorum ejusdem ecclesie onera vestris sumptibus supportetis et jurisdictioni subjaceat eorundem futuris temporibus sicut prius Vicarius autem ejusdem loci qui pro tempore fuerit proventus alteragii percipere tenetur universos et duas marcas de camera vestra ad festa Sancti Martini Purificationis Beate Marie Pentecostes Sancti Petri ad vincula pro equalibus portionibus annuatim et qualibet die Dominica unam refectionem in domo vestra qualem ceteris familiaribus honestis vestris ex consuetudine erogatis qua si contentus absque murmure nolit esse careat ipsa quousque que apud vos sunt placide receperit et gratanter Vicarius etiam cancellum quotiens opus fuerit tenetur suis sumptibus reparare nisi contingat fieri novum tunc enim vos et ipsum proportionaliter oportebit contribuere ad premissa Assignamus etiam tenore presentium vicarie memorate totum mansum cum orto seu virgulto quod est inter domum Radulphi Haliday in parte orientali et domum Agnetis Bonevile vidue in occidentali cum duabus selionibus terre que extra dictum ortum extenduntur versus austrum et abuttant ad virgultum antedictum Per concessionem autem seu donationem premissorum nolumus nec intendimus ecclesie Ebor derogare dignitati Data Ebor Idus Novembre anno domini MCCLX nono