Charter Document - 07020143
| Charter Number: | 07020143 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1272 |
| Date type: | Internal, Calendar, Papal |
| Resource Link(s): |
Borthwick Institute - Register 2 (f19r) |
Charter:
Gregorius [] dilectis filiis Thedisius de Thedisio de Camilla Sarum et Radulpho de Donionio London canonicis salutem et apostolicam benedictionem Obtentu pietatis inducimur ut dilectum filium Grunerium natum nobilis viri Petri de Vico Placentini canonicum Ebor favore specialis gratie prosequentes reddamur sibi ad gratiam liberales Cum igitur in ecclesia Ebor per obitum bone memorie J[ordano] Sanctus Cosme et Damiani diaconi cardinalis canonici ejusdem ecclesie qui apud Sedem Apostolicam diem clausit extremum canonicatus et prebenda ejusdem ecclesie apud Sedem ipsam vacasse noscantur sicque nullus preter Romanum Pontificem ipsos conferre potuerit constitutione felicis recordationis Clementis Pape predecessoris nostri super beneficiis apud Sedem ipsam vacantibus edita non obsistente nos si quid de dictis canonicatu et prebenda contra constitutionem eandem attemptatum extitit decernentes ut est irritum et inane canonicatum et prebendam ipsos de jure vacantes cum suis juribus et pertinentis necnon cum plenitudine juris canonici eidem Grunerio contulimus providimus sibi de illis et ipsum etiam investivimus de eisdem non obstante si aliqui super provisione sibi facienda de canonicatu et prebenda ipsius ecclesie litteras Apostolicas impetrarunt et si ad inhibitionem reservationem aut decretum processum foret auctoritate ipsarum vel si aliqui forsan in eadem ecclesia Apostolica vel quavis auctoritate recepti essent vel ut reciperentur insisterent quibus quo ad alias ipsius ecclesie prebendas nullum per hoc volumus prejudicium generari aut si venerabili fratri nostro archiepiscopo et dilectis filiis capitulo Ebor conjunctim vel divisim sub quavis forma verborum ab eadem Sede indultum existeret quod ad receptionem vel provisionem alicujus minime tenerentur quodque ad id cogi non possent sic quod de dignitatibus personatibus prebendis ipsius ecclesie et beneficiis ad eorum collationem spectantibus nulli provideri valeret quodque circa horum dispositionem liberam non possent aliquatenus impediri per litteras Apostolicas non facientes plenam et expressam ac de verbo ad verbum de indulto hujusmodi mentionem seu qualibet alia dicte Sedis indulgentia generali vel speciali cujuscumque tenoris existeret per quam nostris litteris non expressam vel totaliter non insertam earum effectus differri posset vel quomodo libet impediri et de qua in eisdem litteris specialis et expressa mentio esset habenda seu si predictus Grunerius presens non fuerit ad prestandum de observandis consuetudinibus statutis et indulgentiis eidem Ebor ecclesie aut quodcumque aliud juramentum ad quod prestandum personaliter quousque illuc ipsum ire contigerit dummodo per procuratorem ydoneum sit illud prestare paratus ipsum teneri aut quod alias beneficiatus existit Quocirca discretioni vestre per Apostolica scripta mandamus quatinus vos vel alter vestrum per vos vel alium aut alios eundem Grunerium vel procuratorem suum aut alium ejus nomine in corporatem possessionem canonicatus prebende pertinenti arum et jurium predictorum inducatis et defendatis inductum amoto ab eis quolibet detentore facientes ipsum ad prebendam eandem in dicta ecclesia in canonicum recipi et in fratrem ac sibi de ipsius prebende fructibus obventionibus et juribus universis plene et integre responderi sallo in choro et loco in capitulo cum plenitudine juris canonici ei nihilominus assignatis contradictores auctoritate nostra appellatione postposita compescendo non obstantibus supradictis aut si aliquibus cujuscumque dignitatis vel status ab eadem sit Sede indultum quod interdici suspendi vel excommunicari non possint per litteras Apostolicas non facientes plenam et expressam de indulto hujusmodi mentionem seu constitutione de duabus dictis edita in Concilio Generali Data apud Urbem Veterem iij nonas Julii pontificatus nostri anno primo
