Charter Document - 07020041
| Charter Number: | 07020041 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1273 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f5v) |
Charter:
W[alterus] permissione divina Ebor archiepiscopo [] domino G Thalebot militi salutem et sincere caritatis in Domino semper augmentum Nobilis mulier comitissa Warewyk de nobis per ceteris benevolis suis specialius confidens causam sue molestie qua non mediocriter contristatur nobis nuper litteratorie reseravit videlicet ex eo quod vos et coexecutores vestri testamenti bone memorie domino Philippo Basset mariti sui que de bonis ejusdem defuncti sibi debentur mero jure hactenus reddere non curastis quam defunctus ceteris omnibus preferri voluit qui de ipsius bonis aliquid poterunt vendicare eo forcius quod inter eos vigebat continue concordia maritalis Nos igitur qui dictam nobilem in amicitiam admisimus spiritualem volentes tranquillitatem animi sui pro nostris viribus confovere et honori vestro specialius consulere ut tenemur dileccionem vestram affectuosissime requirimus et rogamus quatinus coexecutores vestros monere velitis et efficaciter inducere ut predicte domine congrue satisfaciant ut tenentur absque morosis ambagibus et expectacionibus tediosis ne ipsam oporteat ad judicialem indaginem convolare quod non tam vobis quam sibi foret multipliciter sumptuosum Ut autem vestra sagacitas super petitis a dicta comitissa plenius informetur peticiones suas in cedula scriptas presentibus duximus involvendas Valeat Datum apud Theyden viij kalendas Augusti pontificatus nostri anno septimo