Charter Document - 07014581
| Charter Number: | 07014581 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1223 |
| Date type: | Assigned |
| Resource Link(s): |
|
Charter:
Malcolumbus filius Waldefer fratribus hospitalis Ierosalem omnibusque tam libere tenentibus quam aliis in villa de Thokerington salutem Sciatis quod cum dominus meus Ricardus de Umframvill libertatem et pacem de Extoldesham per se et suos violasset [et] damna non modica et injurias venerabili patri domino Waltero Eboracensi archiepiscopo intulisset ego eidem Ricardo domino meo ad petitionem suam quietam clamavi totam terram cum pertinentiis quam habui in villa de Thokerington ad opus dicti domini archiepiscopi in recompensationem damnorum et satisfactionem ei injuriarum assignandam et ideo vobis mando quatenus memorato domino archiepiscopo tanquam domino vestro sitis de cetero respondentes et in omnibus intendentes Valete