Charter Document - 07011604
| Charter Number: | 07011604 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1235 |
| Date type: | Assigned |
| Resource Link(s): |
|
Charter:
Reverendo domino et patri in Christo carissimo Waltero Dei gratia Eboracensi archiepiscopo Anglie primati sui vestrique humiles et devoti prior et conventus Candide Case salutem debitam et devotam in omnibus reverentiam et obedientiam Magnis ecclesie nostre impedimentis et maxime propter guerram domini regis Scotie versus Galweham prepediti coram vobis in majori ecclesia Eboracensi propter confirmationem et consecrationem domini O canonici et electi nostri in crastino translationis Sancti Martini inter [esse] non possumus fratrem Gregorium concanonicum nostrum predictis die et loco et in omnibus ad nos pertinentibus in predicto negotio nostrum constituimus procuratorem ratum et gratum habituri quicquid ipse mediante justitia egerit in premissis et maxime pro jure ecclesie nostre si necesse sit ad appellandum Ad cujus rei testimonium sigillum nostrum capituli Candide Case una cum sigillo Prioris huic scripto fecimus apponi Valete