Charter Document - 07011593
| Charter Number: | 07011593 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1228 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum Dei venerabili fratri archiepiscopo Eboracensi salutem et Apostolicam benedictionem Etsi auctoritate ordinaria possis et debeas excessus tuorum corrigere subditorum ut tamen nostra quoque auctoritate suffultus confidentius in eorum correctione procedas et processus tuus reverentius observetur auctoritate tibi presentium indulgemus ut non obstante frustratorie appellationis objectu circa quoslibet tam prelatos quam subditos tibi jure dioecesano subjectos tam in correctione quam reformatione illorum que correctionis et reformationis officio videris indigere libere officii tui debitum exequaris contradictores si qui fuerint vel rebelles per censuram ecclesiasticam ratione previa sublato appellationis obstaculo compescendo Datum Asis v idus Junii pontificatus nostri anno secundo