Charter Document - 07011576
| Charter Number: | 07011576 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 |
| Date type: | Internal, A.D., Calendar |
| Resource Link(s): |
|
Charter:
Sciant presentes et futuri quod ego Hugo de Lelay pro salute anime mee et animabus antecessorum meorum concessi dedi et hac presenti carta mea confirmavi Deo et beato Petro et venerabili patri domino Waltero Eboracensi archiepiscopo Anglie primati ecclesiam de Weston cum omnibus suis pertinentiis que de mea advocatione esse dinoscitur in puram et perpetuam elemosinam ad augmentationem luminariorum in ecclesia beati Petri Eboracensis prout idem venerabilis pater disponere et ordinare decreverit et quicquid juris habui vel habere potui in jam dicta ecclesia de Weston in jus et proprietatem dicte Eboracensis ecclesie ut predictum est pro me et heredibus meis inperpetuum transtuli Quod ut ratum stabile et inconcussum in posterum permaneat presenti pagina sigillo meo roborata muniendum duxi et confirmandum Hiis testibus Roberto de Lelay Henrico de Mohaut Nicholao Ward Willelmo Martel Adam et Henrico capellanis de Otteley Ricardo de Berford Willelmo de Vescy Paulino de Otteley Odone de Rychemund et multis aliis Actum apud Otteley ij nonas Novembris anno Incarnationis Dominice MCC vicesimo primo