Charter Document - 07011570
| Charter Number: | 07011570 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1218 - 1220 |
| Date type: | Assigned |
| Resource Link(s): |
Reference Document for this Embedded Document |
Charter:
Walterus Dei gratia Eboracensis archiepiscopus et Anglie primas omnibus Christi fidelibus has literas inspecturis vel audituris salutem in Domino Ad universitatis vestre notitiam volumus pervenire quod nos de assensu et voluntate Capituli nostri Eboracensis ecclesie et W archidiaconi Richemund Divine pietatis intuitu concedimus et presentis pagine testimonio confirmamus R abbati Sancte Marie Eboracensis et successoribus suis et ejusdem loci conventui ecclesias de Katerik et de Gilling in Richemundschire in usus proprios habendas inperpetuum cum omnibus capellis et pertinentiis suis salvis portionibus in eisdem modo assignatis vicariis presentibus et futuris Confirmamus etiam dictis abbati et monachis duas garbas decimarum de Burtona integre et omnium capellarum ejusdem ecclesie in usus proprios habendas inperpetuum Et insuper sex decem marcas de toto residuo ad dictam ecclesiam pertinente a vicariis ejusdem ecclesie qui pro tempore fuerint percipiendas annuatim inperpetuum post decessum magistri Michaelis Belet salva magistro Michaeli de Claivile quoad vixerit et successoribus suis in eadem ecclesia vicariis pro tempore existentibus plene et integre portione quam modo possidet idem magister M de Clavile Item concedimus et confirmamus eisdem abbati et monachis medietatem garbarum totius parochie ecclesie de Middelton et omnium capellarum ejusdem ecclesie post decessum vel resignationem clericorum tempore hujus confirmationis facte eandem possidentium in usus proprios habendam et possidendam inperpetuum salva reliqua medietate garbarum cum alteragio et toto residuo ejusdem ecclesie futuris vicariis in eadem ecclesia ministraturis Confirmamus etiam sepe dictis abbati et monachis ecclesiam de Overton cum omnibus pertinentiis suis in usus proprios ipsorum habendam et possidendam inperpetuum salva vicaria quinque marcarum vicario ibidem ministratura Predicti vero abbas et monachi presentabunt pro tempore vicarios ad predictas vicarias qui episcopalia et archidiaconalia jura consueta et debita sustinebunt Hec autem omnia concedimus et confirmamus dictis abbati et monachis prout supradictum est salvo nobis et successoribus nostris jure episcopali et archidiaconali et salva in omnibus Eboracensis ecclesie dignitate Ut autem hec nostra concessio et confirmatio perpetue firmitatis robur obtineat presenti scripto sigillum nostrum una cum sigillo Capituli nostri Eboracensis et sigillo predicti W archidiaconi Richemund duximus apponendum His testibus R decano G precentore W thesaurario W archidiacono de Estriding magistris Johanne Romano W de Lanum Everardo Mauricio canonicis Eboracensis ecclesie magistris N de Weston W de Graham R de Bridlington J de Hamerton Roberto de Apelton Willelmo de Pontefracto Sampsone clerico Johanne de Kendale Roberto de Schegenes tunc temporis senescallo Thoma portario Willelmo de Lilling et aliis