Charter Document - 07010845
| Charter Number: | 07010845 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Radulphus dictus abbas et Conventus de Kirkestall salutem in Domino Noverit universitas vestra nos de consensu et voluntate dominorum Cisterciensium et Funtanensium abbatum concessisse dedisse venerabili patri nostro domino Waltero Eboracensi archiepiscopo Anglie primati totam terram quam habuimus in villa de Thorp cum bosco et prato et omnibus aliis pertinentiis suis tam in dominicis et homagiis quam in servitiis et reditibus sine aliquo retene mento habendam et tenendam de nobis et domo nostra inperpetuum eidem domino archiepiscopo [] reddendo nobis et domui nostre annuatim j libras cere in festo Assumptionis Beate Marie Virginis Pro hac concessione dedit nobis lxxx marcas ad terram emendam ad commodum domus nostre Ut autem hec nostra concessio rata et stabilis inperpetuum perseveret presenti scripto sigillum nostrum una cum sigillis dictorum Cisterciensium et Funtanensium abbatum quorum auctoritate hoc fecimus duximus apponendum Hiis testibus Rogero decano et capitulo Eboracensi Stephano abbate de Salleya Johanne de Birkin Johanne de Davilla Roberto de Percy Roberto de Barkeston Adam de Bella Aqua Henrico de Berley Roberto Bustard et aliis Acta apud Fontes duodecimo kalendas Julii anno Incarnationis Dominice MCC vicesimo sexto