Charter Document - 07010843
| Charter Number: | 07010843 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1221 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Walterus Dei gratia Eboracensis archiepiscopus Anglie primas salutem in Domino Cum pietatis opus sit loca religiosa beneficiorum collatione clementer respicere et ea que eis rationabiliter collata fuerint vel concessa auctoritate ordinare confirmare nos Divine pietatis intuitu ob religionis favorem et hospitalitatis gratiam quam in dilectis filiis priore et monachis Sancti Pancratii de Leuwes clarere perspeximus concessimus eisdem et presenti carta nostra confirmavimus ecclesiam de Coninggesburgh cum capellis terris et decimis et omnibus ad eam pertinentibus in proprios usus perpetuo possidendam sicut eos invenimus pacifice eam possidentes illud nobis et successoribus nostris in eadem reservantes quod nos et successores nostri ad presentationem monachorum in eadem ecclesia instituerimus vicarios presbyteros successive qui nobis et successoribus nostris de spiritualibus respondebunt et dicti monachi illi quem vicarium instituerimus vicariam xv marcarum assignabunt Confirmamus etiam eis ecclesiam de Wakefeld cum capella terris decimis et omnibus ad eam pertinentibus et in eadem ecclesia lx solidos nomine pensionis ecclesiam de Dewesbiry cum capella de Hertesheued et omnibus pertinentiis suis et in eadem ecclesia iiij marcas nomine pensionis ecclesiam de Majori Sandal cum omnibus ad eam pertinentibus et in eadem dimidiam marcam nomine pensionis ecclesiam de Hetfeld cum capella de Thorne et omnibus pertinentiis suis et in eadem xl denarios nomine pensionis ecclesiam de Minori Sandal cum capella de Haneldesthorp et omnibus pertinentiis suis et in eadem dimidiam marcam nomine pensionis ecclesiam de Herthill cum omnibus pertinentiis et in eadem duas marcas nomine pensionis ecclesiam de Fyslak cum omnibus pertinentiis suis et in eadem xx solidos nomine pensionis in capella de Edelington x solidos nomine pensionis in ecclesia de Birton xvj solidos iiij denarios nomine pensionis in ecclesia de Donington dimidiam marcam nomine pensionis Confirmamus etiam dictis monachis decimas de omnibus dominiis Comitis Warenn ubicumque fuerint in dioecesi nostra tam de denariis quam piscariis molendinis et omnibus aliis undecumque provenientibus sicut carte dictorum Comitum testantur decimas quoque de Gresbrok de Dalton de Henrithorp de Ravennesfeld de Clifton de Warinngford de Fryseby de Buterbusk et [de] decimis de Roderham ij marcas et dimidium et de decimis de Cussewrth viij solidos eis similiter confirmamus sicut eas juste et pacifice hucusque possederunt terram etiam de Trumflet et de Wilsik et cetera omnia que inpresentiarum possident vel in futuro poterunt juste adipisci salva in omnibus Eboracensis ecclesie dignitate Quod ut ratum et stabile perseveret in posterum presentibus sigilli nostri munimine consignatis confirmandum duximus et corroborandum His testibus magistris Roberto de Wynton et Ricardo de Cornub canonicis Eboracensibus Ada de Stavele canonico Suwell Petro et Willelmo capellanis nostris magistro Johanne de Waukringeham et Odone de Rychemund et aliis Dat apud Lanum iiij kalendas Aprilis pontificatus nostri anno sexto