Charter Document - 07010840

Noverint universi presentes literas inspecturi quod cum inter nos Walterum archiepiscopum Eboracensem ex una parte et Adam abbatem et conventum de Novo Monasterio ex altera de divisis more inter Thokerington et Swethop que pertinent ad ecclesiam Eboracensem et grangiam de Filaton que pertinet ad Novum Monasterium frequens contentio haberetur nec sciretur quantum de illa mora ad predictas villas et quantum [ad] grangiam pertineret demum ut inter nos super hoc pax perpetua firmaretur pro nobis et successoribus nostris consensimus utrinque quod per divisas tunc per probos et fideles homines factas que divise incipiunt ad Rikempldepol ascendendo ad Rucsceleshou et sectando summitatem ipsius Rucsceleshou versus occidentem usque ad le Score et sic del Score usque ad Bruneside et sic de Bruneside linealiter descendendo usque ad Merleche ad partem occidentalem de Heseleside Superioris Tota mora jacens inter hec loca et villas de Thokerington et Swethop ad easdem villas pertineat et remaneat inperpetuum ita quod nos abbas et conventus predicti nullam proprietatem vel aliquid jus vel communiam in eadem mora exigere poterimus aliquo tempore vel habere Tota vero mora jacens inter predictas divisas et grangiam sepe dictam ad eandem grangiam pertineat ac remaneat inperpetuum Ita quod nos archiepiscopus et successores nostri in ipsa mora inter predictas divisas et grangiam predictam nullam proprietatem vel aliquod jus vel communiam vindicare poterimus vel habere sed ipse divise sic omni tempore observentur quod neuter nostrum ad alterius moram ingressum habeat vel accessum In cujus rei testimonium et perpetuam firmitatem nos archiepiscopus uni parti hujus scripti cyrographati et nos abbas et conventus alteri apponi fecimus signa nostra His testibus dominis Willelmo archidiacono Richemund Petro de Fikolden succentor Ebor magistris Rogero de Schiftling canonico Beverl Ricardo de Lincoln canonico Suwill Johanne tunc priore de Hextildesham Hugone de Bolbek Johanne de Hawlton Petro de Vallibus Roberto de Camhou Roberto de Riperiis tunc senescallo domini Ebor Ricardo de Boyvill senescallo ejusdem domini de hospitio et aliis