Charter Document - 07010839
| Charter Number: | 07010839 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1248 |
| Date type: | Internal, A.D., Calendar |
| Resource Link(s): |
|
Charter:
Notum sit omnibus presens scriptum visuris vel audituris quod cum inter dominum Walterum Eboracensem archiepiscopum ex una parte et magistrum et fratres hospitalis Beati Egidii de Kyppyere ex altera orta esset contentio super quadam pastura que vocatur Suth Redelem que jacet per istas divisas videlicet a capite rivuli de Eweleshop per Wysp versus aquilonem usque ad caput rivuli vel usque ad rivulum de Radelemburne et ita quicquid continetur inter duos predictos rivulos usque Ywennecros tandem per diutinas altercationes contentio inter eos sub hac forma amicabiliter conquievit scilicet quod predictus dominus archiepiscopus pro se et successoribus suis remisit et quietum clamavit in perpetuum dicto hospitali et eisdem Magistro et Fratribus quicquid habuit infra predictas divisas absque ullo retene mento pro xl solidis eidem domino archiepiscopo et successoribus suis annuatim apud Hextildesham inperpetuum solvendis medietate ad Pentecosten et medietate in festo Sancti Martini in hyeme Ita quod predictus dominus archiepiscopus vel successores sui nihil omnino exigere poterunt vel vindicare infra predictas divisas preter quadraginta solidos memoratos Et in hujus rei testimonium presenti scripto in modum cyrographi confecto partes predicte sigilla sua hinc inde apposuerunt cujus una pars penes dictum dominum archiepiscopum et altera penes ipsos Magistrum et Fratres remansit Testibus dominis Willelmo de Langeton succentor Eboracensi Petro de Fikelden canonico Ripon et Beverl et Waltero de Castell capellano magistro Willelmo de Senedona canonico Suwell Willelmo de Wid[ind]ona et Ricardo de Boyvill militibus Reginald de Stowa canonico Suwell Alano de Hesel et Willelmo de Calverle clericis Falk de Wakefeud Michaele de Hekke Johanne de Flandren servientibus et multis aliis Actum apud Cawod id Novembris anno Dominice incarnationis MCCXLVIIJ