Charter Document - 07010838
| Charter Number: | 07010838 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1215 - 1255 |
| Date type: | Assigned |
| Resource Link(s): |
|
Charter:
Notum sit omnibus hominibus quod cum controversia mota esset inter dominum Walterum Eboracensem archiepiscopum ex una parte et Nicholaum de Veteri Ponte et Adam de Elrington super quibusdam pasturis tandem inter eosdem lis conquievit in hunc modum Videlicet quod predicti Nicholaus et Adam concesserunt et quietum conclamaverunt pro se et heredibus suis in perpetuo dicto domino archiepiscopo et successoribus suis totum jus et clamium quod habuerunt vel ratione habere potuerunt in terris sive pasturas ex parte orientali vel australi divisarum subscriptarum scilicet a vado de Stukekhopeburn per quod transitur versus Staworth ascendendo usque ad Privokpanne et sic versus aquilonem usque ad crucem que sita in medio magne musse et sic per dictam mediam mussam usque in sikettum quod est propinquius Kipseylawe versus austrum et sic descendendo per sikettum predictum usque ad quandam crucem super dictum sikettum positam et sic directe versus partem borealem usque in caput magni siketti de Whytewellebanke descendentis et sic descendendo directe per idem sikettum usque in vetus nigrum fossatum et per idem fossatum descendendo usque Framburnlawe ad crucem ibidem positam et sic recta linea versus aquilonem usque Buckslade Dictus autem dominus archiepiscopus totam terram de qua fuit contentio ex parte occidentali et aquilonali predictarum divisarum eisdem Nicholao et Ade et eorum heredibus pro se et successoribus suis concessit et quietam clamavit ita quod predictus Nicholaus et Adam et homines sui escapium habeant de averiis suis propriis versus orientem usque in fossata Ade Bertram et versus austrum usque ad mussam que est in aquilonali parte de Erynton Scales in communibus pasturis hominum dicti archiepiscopi extra ipsius defensas Simili modo dictus dominus archiepiscopus et sui homines escapium averiorum suorum habeant in pasturas dictorum Nicholai et Ade ad villam de Elrington pertinentibus exceptis eorundem defensis Ita quod licebit utrique parti in dictis escapiis averia sua sine impedimento reducere si sine warda facta fuerint inventa Hanc autem concessionem et quietam clamationem fideliter sine fraude observandam predicti Nicholaus et Adam pro se et heredibus suis concesserunt et tactis sacrosanctis Evangeliis juraverunt et fide media firmaverunt Et Petrus de Vallibus et Ricardus filius Alexandri tunc ballivus de Hextoldesham de precepto domini archiepiscopi illud idem affidaverunt Et ad plenam rei securitatem presens scriptum in modum cyrographi est confectum cujus una pars signata sigillis eorundem Nicholai et Ade dicto domino archiepiscopo fuit tradita altera vero signata sigillo ejusdem domini archiepiscopi penes ipsos remansit Testibus Bernardo Priore de Hextoldesham magistris Willelmo de Suwelle et Roberto Haget canonicis Eboracensibus Willelmo de Vesci canonico Ripon Matheo de Cantilupo Petro de Vallibus Nicholao de Bolteby Ricardo filio Alexandri Ada Bertram Thoma de Whitinton Johanne Halton Roberto de Erinton Radulpho Erintone Willelmo de Ruley Roberto Scoto Reginaldo de Stowa clerico et multis aliis