Charter Document - 07010837
| Charter Number: | 07010837 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1215 - 1255 |
| Date type: | Assigned |
| Resource Link(s): |
|
Charter:
Omnibus [] Adam de Elrington salutem Noveritis quod ad instantiam meam et amicorum meorum concessit mihi et hominibus de Helrington venerabilis pater dominus Walterus Eboracensis archiepiscopus communiam herbagii a villa de Elrinton versus Blakedik sic ascendendo versus austrum usque ad magnam viam que ducit ad Alwenton Ita quod liceat nobis averia nostra de Elrinton in predicta pastura habere sine occasione usque ad predictas divisas Si vero divisas illas per escapium excesserint liceat nobis averia predicta sine occasione et impedimento reducere nisi in blado vel prato inventa fuerint Similiter et si averia domini archiepiscopi vel hominum suorum infra terras de Elrinton ultra Kipseslowe vel Jakele vel Privakepan per escapium intraverint sine impedimento reducantur Omnes etiam homines predicti domini archiepiscopi infra Elrinton et Langhop terras cultas vel clausas habentes ipsas in pace possideant et Ricardus filius Alexandri terram suam quam nondum die conventionis hujus facte excoluerat Pro hac autem concessione dabimus predicto domino archiepiscopo nomine firme x solidos annuatim medietatem ad festum Sancti Martini et medietatem ad Pentecosten et sic sopita est omnis controversia inter ipsum dominum archiepiscopum et homines villa de Elrinton nisi Nicholaus de Veteri Ponte competentiorem conventionis formam cum predicto domino archiepiscopo inire poterit Et hec fideliter et firmiter observanda affidavi et sacramento corporaliter prestito juravi coram Priore Extildesham magistro Symone de Evesham et Laurentio Lincoln Petro de Vallibus Willelmo Martel Willelmo de Widindon Galfrido de Bokland Her Walen Ricardo filio Alexandri Thoma de Withinton Roberto de Witon Willelmo Scoto Reginaldo clerico et plurimis aliis In cujus rei testimonium presenti scripto sigillum meum duxi apponendum Huic conventioni interfuerunt Robertus de Extild Symo de Wykham canonici Willelmus de Vesci Willelmus venator Johannes de Forsecte Johannes de Wrideleford Ricardus de Hudeston Radulphus d'Eringedon Willelmus de camera