Charter Document - 07010829
| Charter Number: | 07010829 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1221 - 1237 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris ita convenisse inter venerabilem patrem Walterum Dei gratia Eboracensem archiepiscopum Anglie primatem et Ricardum abbatem de Seleby et ejus loci conventum videlicet quod dictus dominus archiepiscopus concessit et dedit dictis abbati et monachis in puram et perpetuam elemosinam quinque acras prati in Heistede propinquiores ville de Seleby pro quadam landa que vocatur le Bacle que jacet inter boscum de Shirburn et boscum de Stakeholme quam dicti abbas et conventus prefato domino archiepiscopo et successoribus suis in puram et perpetuam elemosinam concesserunt ita quod dictus dominus archiepiscopus dictam landam claudere sine contradictione possit et quicquid ei placuerit de eadem facere Dicti etiam monachi pratum suum si eis placaverit versus se claudent sine contradictione dicti domini archiepiscopi et successorum suorum nec aliquam communam aut in terris aut in pascuis occasione illius prati vindicare poterunt Et tenetur uterque donum suum alteri warrantizare Quod ut ratum et stabile in posterum perseveret predicti abbas et conventus huic scripto sigilla sua apposuerunt His testibus magistro G precentore Eboracensi magistro Ricardo Cornub canonico Eboracensi magistro A de Richem canonico Ripon Willelmo Foliot magistro Rogero de Burton H filio Simeonis Johanne Willelmo de Wydendon Roberto de Wistowe Roberto de Berford et multis aliis