Charter Document - 07010824
| Charter Number: | 07010824 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1254 |
| Date type: | Internal, Calendar, Episcopal |
| Resource Link(s): |
Borthwick Institute - Register 1b (16 dorse) People of Medieval Scotland |
Charter:
Walterus Dei gratia [] dilectis in Christo filiis abbatibus prioribus personis vicariis et toti clero Galwath salutem [] Mandamus vobis in virtute obedientie firmiter injungentes quatenus dilecto filio magistro Godfridus archidiacono vestro officiali nostro in eadem dioecesi nostro nomine satisfaciatis integre de procurationibus debitis sedi Candide Case in quibuscunque consistant pro anno preterito et presenti sicut eas bone memorie Godfridus quondam episcopus vester dum viveret percipere consuevit et etiam de synodalibus anni presentis quam cito synodus fuerit celebrata ac aliis omnibus ad spiritualitatem in eadem dioecesi pertinentibus que memoratus episcopus vester perciperet si viveret et que jure metropolitano ad nos spectant quamdiu Candide Case sedes vacat Nos enim dicto archidiacono compescendi contradictores et rebelles tenore presentium committimus potestatem et sententias quas rite tulerit in eosdem faciemus usque ad satisfactionem condignam auctore Domino inviolabiliter observari Datum apud Upton id Octobre pontificatus nostri anno xxxix Valete