Charter Document - 07010821
| Charter Number: | 07010821 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1254 |
| Date type: | Internal, Calendar, Episcopal |
| Resource Link(s): |
Borthwick Institute - Register 1b (15 dorse) People of Medieval Scotland |
Charter:
Archidiaconus Galewath [] In episcopatu Candide Case vos nostrum officialem constituentes dum idem episcopatus pastoris solatio fuerit destitutus in omnibus que ad episcopum dicte dioeceseos si viveret pertinerent vobis in dicta dioecesi committimus vices nostras exceptis his que non possunt sine episcopo expediri secundum canonicas sanctiones examinationibus et confirmationibus quarumcunque personarum ecclesiasticarum institutionibus et destitutionibus rectorum et vicariorum ecclesiarum dicte dioeceseos necnon et collationibus ecclesiarum pertinentium ad reservamus collationem episcopi dicti loci que omnia nobis specialiter reservamus Vobis autem in virtute obedientie firmiter precipiendo mandamus quatenus si qua persona ecclesiastica seu etiam secularis in ecclesias vel personas ecclesiasticas seu etiam res earum suam tyrannidem exercuerint vel etiam violentias manifestas aut rapinas manu sacrilega fecerint in eisdem tyrannos eosdem et sacrilegos monitione premissa per suspensionis excommunicationis et interdicti sententiam in ipsos et eorum [] si necesse fuerit promulgandis ratione previa compescatis Dat apud Thorp nonas Maii pontificatus nostri anno xxx nono