Charter Document - 07010818
| Charter Number: | 07010818 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1254 |
| Date type: | Internal, Calendar, Episcopal |
| Resource Link(s): |
Borthwick Institute - Register 1b (15 dorse) |
Charter:
Universis [] Walterus Dei gratia [] Noveritis nos dilecto in Christo filio domino S de Heddon militi et heredibus suis de consensu et voluntate rectoris ecclesie de Heddon licentiam concessisse habendi capellam in curia sua de Heddon et faciendi ibidem sibi et libere familie sue Divina officia celebrari absque omni damno seu prejudicio ecclesie supradicte ita quod si aliquando constiterit quod occasione capelle memorate aliquid emolumenti dicte ecclesie subtrahatur vel aliquod prejudicium generetur liceat predicto rectori et successoribus ejus eandem capellam a celebratione suspendere Divinorum et ipsam sub tali suspensione tenere quousque de substructione hujusmodi eidem rectori vel successori qui tunc fuerit plene exstiterit satisfactum Si autem contingat quod dictus rector vel aliquis successorum ejus dispendium seu prejudicium occasione supradicte capelle predicte ecclesie contingere falso pretendens eandem capellam injuste suspenderit per nos vel successorem nostrum qui tunc fuerit eadem suspensionis difficultate relaxabitur et nihilominus suspendens pro suspensione injusta canonice punietur Et ut premissa [] Dat apud Scroby xiij kal Februarii pontificatus nostri anno xxx nono