Charter Document - 07010730
| Charter Number: | 07010730 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1215 - 1255 |
| Date type: | Assigned |
| Resource Link(s): |
Borthwick Institute - Register 1b (6 dorse) |
Charter:
Omnibus [] Noveritis nos concessisse dedisse et presenti carta nostra confirmasse et assignasse dilecto fratri nostro domino Roberto de Gray pro homagio et servitio suo totam terram quam de dono et concessione domine Eve de Gray habuimus in Rutherefeld cum advocatione ecclesie ejusdem ville cum homagio et servitiis liberorum hominum et cum villanis et eorum sequela et catallis cum wardis releviis et eschaetis et omnibus aliis pertinentiis infra villam et extra sine aliquo retene mento excepto tantum homagio et servitio domine Hawys de Gray matris nostre tenendum et habendum eidem domino R et heredibus suis in feodo et hereditate de nobis quamdiu vixerimus libere quiete integre pacifice et honorifice in boscis planis pratis pascuis et pasturis stagnis aquis et molendinis et omnibus aliis locis faciendo inde nobis quamdiu vixerimus forinsecum servitium tantum scilicet quantum pertinet ad feodum unius militis pro omnibus exactione et servitio seculari Volumus autem et concedimus quod post decessum nostrum dictus dominus R et heredes sui predictam terram cum pertinentiis suis teneant de domina Eva de Gray predicta et heredibus suis eisque servitium faciant predictum secundum quod in carta dicte domine Eve nobis confecta continetur expresse In cujus rei testimonium presenti scripto sigillum nostrum duximus apponendum Testibus []