Charter Document - 07010699
| Charter Number: | 07010699 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1232 |
| Date type: | Internal, A.D., Feast |
| Resource Link(s): |
Borthwick Institute - Register 1a (20 face) |
Charter:
Anno Domini mccxxxij ad Pentecosten facta est hec conventio inter dominum Walterum Eboracensem archiepiscopum et Johannem Fossatorem clericum videlicet quod idem dominus archiepiscopus dimisit dicto Johanni ad firmam usque ad terminum xij annorum totam terram suam de Tokerinthon cum omnibus pertinentiis suis exceptis magno prato et tallagio hominum dicti domini archiepiscopi et advocatione ecclesie ejusdem ville Dictus autem Johannes reddet dicto domino archiepiscopo annuatim xij marcas nomine firme ad duos anni terminos scilicet medietatem ad festum Sancti Martini in hyeme et medietatem ad Pentecosten Si quis autem hominum ejusdem loci in invidiam dicti Johannis inciderit ab ipsis rationabilia et moderata recipiet amerciamenta et dictus Johannes [] justitiarius vicecomites et domini regis ballivos pro predicta terra sectam faciet inde debitam et ipsam defendet Si vero predictus Johannes per guerram vel aliquo alio modo per defectum archiepiscopi damnum in dicta terra incurrerit per considerationem proborum et legalium virorum eidem in firma computabitur Et hec fideliter observanda dictus Johannes tactis sacrosanctis Evangeliis juravit et omnia bona sua mobilia et immobilia que habet vel que habiturus est eidem domino archiepiscopo obligavit et jurisdictioni prioris de Hextold qui pro tempore fuerit se subjecit ut per excommunicationis et interdicti sententiam ipsum ad predicta observanda compellat renuntians appellationi et privilegio fori et impetrationi contra hoc faciende et omni remedio curie ecclesiastice et secularis Et ut hec []