Charter Document - 07010698
| Charter Number: | 07010698 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1231 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (17 face) |
Charter:
Omnibus [] Noverit universitas vestra quod cum contentio esset inter Fratres Militie Templi ex una parte et Matheum de Cantilupo rectorem ecclesie de Ribbestain ex altera super claustura cujusdam communis pasture in parochia de Ribbestein et capella erecta in cimiterio de Ribbestein et claustura cujusdam fontis tandem in presentia nostra in hunc modum amicabiliter inter partes est compositum Videlicet quod capella infra cimiterium de Ribbestein sita de qua erat contentio remanebit in pace sicut sita est et claustura ejus circum facta ad opus dictorum Fratrum in perpetuum pro Divinis in eadem capella celebrandis per capellanum ipsorum et quod iidem Fratres sine aliquo impedimento dicti rectoris vel ejus successorum cum opportunitas exegerit possint dictam capellam si necesse fuerit reparare et reedificare similiter et clausturam ipsius in loco in quo nunc est Nullum tamen parochianum ecclesie de Ribbestein in prejudicium dicte ecclesie ad Divina officia vel sepulturam admittent Preterea de communi pastura in parochia de Ribbesteyn per dictos Fratres inclusa concesserunt iidem Fratres dicto Matheum et successoribus suis in libera elemosina duodecim acras ad claudendum sine aliqua commune in eisdem acris dictis Fratribus vel eorum hominibus habenda scilicet versus austrum in exteriore parte dicte commune Et dicti Fratres warantizabunt dictas xij acras terre ut dictum est habendas ecclesie de Ribbestain quamdiu residuum commune predicte in dominico tenuerint vel alii illud per ipsos habuerint Dicti vero Fratres totum residuum commune habebunt et pro voluntate sua claudent sine aliqua commune dicto rectori vel ejus successoribus in eadem commune habenda Prefatus autem Matheum et ejus successores habebunt fontem et terram juxta curiam suam ad claudendum per divisas positas inter predictos Fratres et predictum Matheum Preterea dicti Fratres remiserunt pro se et omnibus suis predicto Matheum omnes querelas que eis competierunt vel competere poterunt usque ad diem Sabbati proximum ante festum Sancti Michaelis anno gratie millesimo ccxxx primo contra Matheum memoratum Nos autem dictam compositionem ratam [] ipsam concedimus et auctoritate pontificali confirmamus In cujus rei [] Testibus [] Datum apud Torp Per manum magistri Simonis de Evesham iij idus Octobris anno sexto decimo