Charter Document - 07010690
| Charter Number: | 07010690 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (14 face) |
Charter:
Omnibus [christi fidelibus ad quos presens scriptum peruenerit Walterus Dei gracia Ebor Archiepiscopus Anglie primas salutem in Domino] inspectis cartis dilectorum filiorum capituli Ripon de quinque libris cere a Johanne filio Hugonis de Winkesse et ipsius heredibus et tribus libris cere a Willelmo filio Hugonis de Winkesse et ipsius heredibus annuatim reddendis inspectis etiam cartis Alduse quondam uxoris Roberti Sueini et cartis Willelmi filii ejus et Aldeline de Prestele de uno tofto ad sustentationem luminis tumbe Beati Wilfridi de consensu capituli perpetuo assignatis assignationem tam cere predicte quam tofti ad lumen tumbe gratam habentes ipsam concedimus et auctoritate pontificali confirmamus et presentis scripti nostri patrocinio communimus sub pena excommunicationis firmiter inhibentes ne ad alios usus quisquam ullo tempore predicta convertere presumat Quod ut ratum [et stabile perseueret in posterum presens scriptum sigilli nostri munimine duximus roborandum Testibus Domino Johanne Mannie et Insularum episcopo Magistro Galfrido de Larder Canonico de Ripon Magistris Simone de Euesham et Laurencio de Lincoln Willemo de Vescy Jordano de Bingel Johannne de Sallay Roberto de Laurencio de Ripon capellanis Galfrido de Bocland et Reginald de Stow clericis et aliis] Datum apud Ripon Per manum magistri Simonis xiij kalendas Julii anno xv