Charter Document - 07010688
| Charter Number: | 07010688 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (14 face) |
Charter:
Omnibus [] Sciatis nos concessisse et dimisisse Alano filio Radulfi Roberto le Tanur Ricardo Mariscallo et Simoni de Aldeston Alano de Nentesbire quoad vixerimus mineram nostram de Hextoldesham habendam reddendo inde annuatim nobis septimam partem totius mine et octavum denarium de escambio argenti Concessimus etiam eisdem ad sustentationem grovarum et logiarum suarum de bosco nostro rationabiliter sine occasione Dicti autem juramento prestito nobis promiserunt quod in qualibet estate ad cibaria sua per totum annum decoquenda et ignem proprium sibi et ministris suis de peatis sibi providebunt Et si peatas aliquo casu contingente sufficientes per annum sibi perquirere non possunt concessimus eisdem quod rationabiliter et moderate de bosco nostro defectum sine vasto suppleatur Preterea concessimus eisdem quod cum minam in minera nostra perquisitam extra forestam nostram cariare voluerint liceat eisdem per noctem unam boves suos in pastura nostra habere sine aliquo impedimento si autem aliqua pars vehiculi sui in foresta nostra rumpatur liceat eisdem ad ipsius reparationem de bosco nostro [] sine occasione Et sciendum quod non poterit aliquis ardere de minera extra terram nostram sine assensu nostro Volumus etiam quod loquele et querele que emerserint super mineram inter ipsos minatores juxta rectam et antiquam consuetudinem minere coram ballivo nostro deducantur salvis nobis amerciamentis que inde pervenerint Predicti autem juramento corporaliter prestito nobis promiserunt quod predicta fideliter et sine fraude observabunt et a suis observari facient et quod de minera nostra de nocte vel die nihil asportabitur nisi per visum et assensum ballivi nostri nec damnum nobis in foresta nostra in bosco vel feris vel quibuscunque aliis nobis facient nec fieri consentient sed si ab aliquo fieri compererint inde ballivum nostrum muniri facient Prohibemus autem firmiter sub pena forisfacture nostre ne quis injuste ipsos minatores molestet vel vexet in aliquo per quod commodum nostrum detrimentum patiatur Dat apud Hextoldesham iij kal Junii anno xv