Charter Document - 07010662
| Charter Number: | 07010662 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (7 face) |
Charter:
Omnibus [] Noverit universitas vestra nos teneri domine Eustachie de Pinkeni quondam uxori Thome de Areden pro maritagio heredum dicti Thome viri sui qui ex eisdem Thoma et Eustachie processerunt nobis concesso in centum marcis argenti ad duos terminos solvendis videlicet in festo Sancti Andree l marcis et ad Purificationem Beate Virginis in l marcis Concessimus etiam heredi dicte Eustachie decem marcas ad unum equum cum ad etatem pervenerit vel per manum predicte Eustachie in utilitatem heredis infra etatem vel cum ad etatem pervenerit convertendas Nostre autem voluntati relinquitur matrimonialiter copulare filio predicti Thome qui in hereditatem successerit aliquam ex filiabus domini Robertus de Gray fratris nostri legitimis vel domini W Britonis ex Eva sorore nostra vel domini R Doyli ex Agnete sorore nostra susceptis vel si ad filias hereditas pervenerit easdem licebit nobis copulare filiis predictorum sicut in scripto concessionis a predicta Eustachia super premissis plenius continetur Ita tamen quod si aliqua filiarum Robertus fratris nostri vel predictarum sororum nostrarum enormem patiatur in facie vel in membris lesionem talem liceat predicto heredi refutare Solutionis autem predictarum centum marcarum dilectum filium F prepositum Beverl fide jussorem constituimus Concessimus etiam quod heredem predicti Thome non marita bimus antequam predicte c marce persolvantur In cujus rei testimonium [] Datum apud Davintre kalendas Novembri anno duodecimo