Charter Document - 07010636
| Charter Number: | 07010636 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1250 |
| Date type: | Assigned |
| Resource Link(s): |
|
Charter:
Decretum domini Walteri Gray archiepiscopi Eboracensis Anglie primatis et Apostolice sedis legati editum apud Eboracum tempore visitationis sue tam ad honorem Dei et ecclesie Eboracensis ac omnium ecclesiarum per totam provinciam existentium quam doctrinam presentium informationem et memoriam omnium futurorum Cum plerumque inter rectores ecclesiarum seu vicarios in provincia Eboracensi constitutos eorundemque parochianos super variis ornamentis rebusque ecclesiasticis altercatio non modica sit exorta et ideo quanta que et qualia ad rectores seu vicarios ecclesiarum per totam provinciam Eboracensem constitutos ad sustentationem et reparationem pertineant que autem ad parochianos eorundem de rebus ac ornamentis ecclesiarum reparandis pertinere noscuntur per subscripta sole clarius omnibus elucescat Et ideo ordinamus et statuimus ut parochiani nostri omnes et singuli existant sic docti in singulis subsequentibus ut sciant et intelligant atque observent totaliter universi videlicet quod calix missale vestimentum ipsius ecclesie principale videlicet casula alba munda amictus stola manipulus zona cum tribus tuellis corporalia et alia vestimenta pro diacono et subdiacono honesta juxta facultates parochianorum et ecclesie cum capa serica principali pro principalibus festis et cum duabus aliis pro choris regendis in festis supradictis crux professionalis et alia crux minor pro mortuis et feretrum pro mortuis vas ad aquam benedictam oscula torium candelabrum ad cereum paschale turibulum lucerna cum tintinnabula velum quadragesimale duo candelabra pro ceroferariis de libris legenda antiphonarii gradale psalterium troparium ordinale missale manuale frontale ad magnum altare tria superpellicia pixis pro corpore Christi honesta vexillum pro rogationibus campane magne cum cordis suis fons sacer cum se rura chrisma torium imagines in ecclesia imago principalis in cancella de quo dedicatur ecclesia reparatio librorum et vestimentorum quotiens contigerit emendari cum omnibus supradictis luminare in ecclesia reparatio navis ecclesie et constitutio ejusdem cum campanili interius et exterius scilicet fenestris vitreis cum clausura cemeteriorum cum aliis navis ecclesie et singulis aliis ad ipsos pertinere noscuntur Ad rectores vero vel vicarios juxta varias ordinationes omnia alia pertinebunt scilicet cancellus principalis cum ejusdem reparatione tam parietibus quam tectoris et fenestris vitreis eidem pertinentibus cum discis et scamnis et aliis ornamentis honestis ut cum Propheta cantare valeant Domine dilexi decorem domus tue [] cum manso rectoris et ejus reparatione hinc inde et alia que non sunt scripta in libro hoc noverint se rectores vel vicarios a locorum ordinariis compelli posse secundum hanc Constitutionem et alias in hac parte probatas []