Charter Document - 07010631

Omnibus ad quos presens scriptum pervenerit Walterus Dei gratia Eboracensis archiepiscopus Anglie primas et capitulum Eboracensis ecclesie salutem in Domino Noveritis nos ad petitionem magistri Sewali decani nostri Eboracensis statuisse quod tam in ecclesiis de Pokelington de Pykering et de Killum decanatui suo annexis quam ipsarum capellis sint secundum quod in subsequentibus continetur Vicarie perpetue per decanum vicariis conferende qui parochiarum curam habeant et tam ecclesiarum quam capellarum suarum onera et officia sustineant in perpetuum Super contingentibus igitur vicarias et vicarios antedictos ordinamus hoc modo videlicet quod vicarius de Pokelington preter alios ministros ecclesie necessarios unum capellanum continue secum teneat et habeat nomine vicarie totum alteragium de Pokelington preter fenum tres oblationes principales decimam lane agnorum et molendinorum et preter mortuaria in vivo averio In capellis vero de Milington et Geveldale sit unus vicarius qui ministros utrique ecclesie inveniat necessarios et habeat nomine vicarie decimam agnorum et lane de Geveldale et de Grymesthorp cum minutis decimis et obventionibus utriusque parochie videlicet Milington et Geveldale et unam bovatam terre in Geveldale spectantem ad capellam ejusdem loci et solvat nomine subjectionis matrici ecclesie sue de Pokelington annuatim ad festum Pentecostes et ad festum Sancti Martini in hyeme duos solidos per partes equales In capellis vero de Hayton et Beleby sit unus vicarius qui ministros officio quod ei incumbit inveniat necessarios et habeat nomine vicarie totum alteragium de Hayton Beleby et Brunby exceptis mortuariis in vivo averio feno tribus oblationibus principalibus decimis molendinorum lane et agnorum et solvat nomine subjectionis matrici ecclesie sue de Pokelington annuatim ad festum Pentecostes et ad festum Sancti Martini in hyeme quatuor solidos per partes equales In capellis vero de Thornton et Alverthorp sit unus vicarius qui ministros utrique capelle inveniat necessarios et habeat nomine vicarie totum alteragium preter fenum decimam lane et agnorum utriusque capelle et preter mortuaria in vivo averio de Thornton et preter tres obolos principales et decimam molendinorum de Thornton et solvat nomine subjectionis matrici ecclesie de Pokelington annuatim ad festum Pentecosten et ad festum Sancti Martini in hyeme duodecim denarios per partes equales In capellis vero de Fankefosse et Barneby sit vicarius unus qui ministros utrique capelle inveniat necessarios et habeat nomine vicarie totum alteragium preter fenum utriusque capelle et preter decimam lane et agnorum et preter mortuaria in vivo averio de Barneby et solvat nomine subjectionis matrici ecclesie sue de Pokelington annuatim ad festum Pentecostes et ad festum Sancti Martini in hyeme duos solidos per equales portiones Vicarius vero ecclesie de Pykering preter alios ministros ecclesie necessarios unum capellanum continue secum teneat et habeat nomine vicarie alteragium totum preter tres oblationes principales decimam molendinorum decimam omnimodam de Gotheland provenientem decimam lane et agnorum et preter vitulos porcellos pullos equinos et preter fenum butirum et mortuaria in vivo averio In capellis vero de Ellerburn et Wilton sit unus vicarius qui ministros utrique capelle inveniat necessarios et habeat nomine vicarie decimam trium culturarum de Ellerton et totum alteragium utriusque capelle cum feno preter mortuaria in vivo averio et preter decimam lane et agnorum de Wilton Dictus autem vicarius solvat matrici ecclesie sue de Pykering annuatim nomine subjectionis ad festum Pentecostes et ad festum Sancti Martini in hyeme duos solidos per partes equales In capellis vero de Ebreston et Alverstan sit unus vicarius qui ministros utrique capelle inveniat necessarios et habeat nomine vicarie totum alteragium preter tres oblationes principales decimam lane et agnorum fenum et mortuaria in vivo averio et solvat nomine subjectionis matrici ecclesie sue de Peker annuatim ad festum Pentecostes et ad festum Sancti Martini in hyeme duodecim denarios per partes equales Vicarius vero de Killum preter alios ministros ecclesie necessarios unum capellanum continue secum teneat et habeat nomine vicarie totum alteragium preter decimam lane agnorum tres oblationes principales decimam molendinorum lini canabi et mortuaria in vivo averio Ceterum de denariis Beati Petri seu reditibus ecclesiarum vel capellarum sive decimis turbarum bosci glandis pannagii vel aliquorum fructuum ex agricultura provenientium presentibus vel futuris nihil ad predictos vicarios vel eorum aliquem pertinebit exceptis decima trium culturarum de Ellerburn et redditu qui nomine subjectionis solvitur matrici ecclesie et capellarum vicariis et decimis curtillagii lini et canabi quas volumus ad omnes predictas vicarias pertinere preterquam ad vicariam de Kyllum ad quam lini et canabi decimam nunquam volumus pertinere Ad hec constituimus quod Decanus sit ab omnimodarum decimarum prestatione et qualibet consuetudine parochiali immunis et quod possit liberam ubi voluerit in decanatu suo capellam habere in qua capellanum proprium cum voluerit habeat celebrantem et Divina sibi et familie sue ministrantem oblationibus ibidem factis in usus ipsius capellani cessuris Principales autem oblationes dicimus illas que debent fieri ad Natale ad Pascha et ad festum Sancti sive Sanctorum cujus vel quorum nomine ecclesia est fundata Decimam autem feni lane agnorum dicimus non solum fenum lanam et agnos sed et argentum quod pro ipsorum decima poterit obvenire Decimam vero butiri casei vitulorum porcellorum et pullorum equinorum dicimus tantum caseos integros ad decimam venientes et butirum modo simili obveniens necnon et vitulos porcellos et pullos equinos per sortem vel alio modo ratione decime obvenientes et argentum quod pro dictarum rerum decima per sortem poterit obvenire Sane quod a vicariis capellarum est matrici ecclesie nomine subjectionis solvendum cedet in usus vicarii ecclesie alicujus cui est solutio facienda Jurisdictio vero totius decanatus tam in personis quam rebus penes Decanum totaliter residebit Data viij idus Novembris anno Domini millesimo cc quinquagesimo secundo