Charter Document - 07010629
| Charter Number: | 07010629 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1252 |
| Date type: | Internal, A.D., Feast |
| Resource Link(s): |
Borthwick Institute - Register 2 (f101r) |
Charter:
Die Jovis proximo post octavas Sancte Trinitatis anno Domini mccl secundo ad prioratum Novi Loci visitandi gratia accedentes per examinationem singularem comperimus tam Priorem quam canonicos in religione fervidos et tam in invicem quam ad alios pacis et concordie amatores Super quo plurimum applaudentes pro bono quod invenimus in eisdem fortius observando et ad incrementum successu temporis producendo statuimus ut tertius Prior sit in domo qui in Prioris et subprioris absentia servet claustrum et canonicos prout moris est sub regulari teneat disciplina quod quidem officium prius per ebdomadarios minus rite fieri consuevit Providimus etiam ut Prior et subprior et tres vel quatuor de provectioribus sue domus semel in anno ad minus compotum audiant a celerario et aliis obedientiarum custodiis deputatis de omnibus sumptibus et receptis et de stauro et audito compoto denuncient conventui statum domus et quanta ab illa pecunia debeatur Precipimus etiam fieri inventarium quod contineat tam redditus assisos quam numerum stauri cujuscunque generis sexum et etatem et illud quolibet anno volumus innovari ut sic appareat in quanto per prefectorum industriam bona domus accreverint vel decrescant et unam partem illius inventarii in thesauro et aliam penes cellerarium volumus remanere Volumus etiam ut sigillum conventus Prioris sigillo sigillatum in thesauro per aliquem discretum canonicum provide conservetur nec eo alique litere nisi in conventus vel senioris partis ipsius presentia sigillantur Volumus insuper ut ad collectionem et custodiam elemosine per Priorem honestus aliquis deputetur qui elemosinario aliis intendente eam servet ne ab aliquibus distrahatur Claustrum etiam refectorium et alia loca canonicorum quieti deputata a garcionum et inhonestarum personarum accessibus volumus custodiri et ne hec a memoria elabantur presens scriptum bis in anno coram conventu precipimus recitari