Charter Document - 07010626
| Charter Number: | 07010626 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1247 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas salutem in Domino Noveritis quod cum religiosi viri Robertus prior et conventus Sancti Oswaldi de Nostlet super ecclesiis de Tikhill Suthkirkeby Rouwell Boulton et Wyverthorp ac medietate ecclesie de Mekesburgh ad eorum presentationem spectantibus nostre ordinationi faciende de consilio discretorum virorum Walteri decani et Roberti thesaurarii Eboracensis usque ad Natale Domini anno gratie mcc quadragesimo septimo se olim absolute et simpliciter commisissent ac postmodum ad ratificandam ordinationem ipsam se per suas literas obligassent nos habita super hoc deliberatione competenti assensu voluntate et consilio predictorum decani et thesaurarii de eisdem ecclesiis ordinavimus in hunc modum Videlicet ut de Tikhill Suthkirkeby et Rouwell ecclesie cum vacaverint in ipsorum prioris et conventus proprios usus cedant ab ipsis post earum vacationem inperpetuum possidende ut augmentatis per earum appropriationem eorum facultatibus manus caritatis extendere possint ad Christi pauperes largiores aut iidem canonici in ecclesiis de Tikhill Suthkirkeby Rouwell Boulton Wyverthorp et medietate ecclesie de Mekesburgh pensiones recipiant quas ab eisdem hactenus perceperunt quousque aliqua predictarum trium ecclesiarum quas eisdem appropiavimus vacet et ad manus deveniat eorundem ac deinde ex toto evacuetur et cesset pensionum solutio predictarum Medietatem vero ecclesie de Mekesburgh quam dicti canonici de nostra gratia aliquamdiu tenuerunt archidiaconatu Eboracensi inperpetuum adjunximus ut archidiaconi qui pro tempore fuerint se ibidem in suo valeant recipere cum per partes illas transierint pro visitatonis officio faciendo Donationem autem ecclesie de Boulton nobis et successoribus nostris archiepiscopis Eboracensibus inperpetuum reservavimus Ne Eboracensis ecclesia ex hac nostra ordinatione et ecclesiarum appropriatione processu temporis se lesam conqueri debeat vel delusam gravamen sit quod in hac parte protulisse se asserit volentes alias in honoris sui cumulo relevare ecclesiam de Wyverthorp nostre donationi reservavimus et de eadem ordinavimus prout predicte Eboracensis ecclesie perpetue utilitati credidimus et honori Ut autem que in hac parte facta sunt perpetue robur habeant firmitatis ad rei geste et ordinationis predicte memoriam sempiternam hoc scriptum duplicatum nostro sigillo et sigillis predictorum prioris et conventus ac sigillis decani et thesaurarii Eboracensium quorum in hoc facto consiliis usi sumus fecimus sigillari Data apud Thorp idibus Decembris pontificatus nostri anno xxxiij qui fuit annus Incarnationis Dominice supradictus Valete