Charter Document - 07010624
| Charter Number: | 07010624 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Episcopal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas salutem Noverit universitas [vestra] quod cum inter nos et dominum Sayerum de Sutton super advocatione capelle de Sutton orta esset contentio ac idem Sayerus in hac parte se nostre commisisset voluntati nos de assensu et voluntate capituli nostri Eboracensis concessimus remisimus et quietum clamavimus pro nobis et successoribus nostris eidem domino Sayero et heredibus suis totum jus et clamium quod habuimus vel aliqua ratione habere potuimus in advocatione capelle predicte salva ecclesie de Waugne cujus nomine dictam capellam possidebamus una marca a rectore dicte capelle annuatim solvenda medietate ad Pentecosten et medietate ad festum Sancti Martini in hyeme et salvis dicte ecclesie de Waugne mortuariis omnium decedentium in parochia de Sutton et oblationibus trium dierum Pentecostes videlicet Apostolorum Petri et Pauli et Omnium Sanctorum secundum quod antiquitus fieri consuevit salvis magistro Johanni Blundo cancellario Eboracensi omnibus proventibus capelle predicte quoad vixerit nomine firme percipiendis solvendo rectori capelle predicte quatuor solidos annuatim in duobus synodis anni medietatem in una et medietatem in altera Post decessum vero dicti magistri Johannis dicti proventus rectori capelle memorate qui pro tempore fuerit plenaria revertantur cum onere solvendi ipsi ecclesie de Waugne unam marcam predictam et salvis oblationibus et mortuariis predictis salvo etiam jure episcopali et archidiaconali antiquo et consueto et debito Et in hujus rei testimonium presenti scripto sigillum nostrum sigillum capituli nostri Eboracensis et sigillum predicti Sayeri fecimus apponi Testibus magistro Willelmo Passemer et domino Willelmo de Langeton succentore Ebor dominis Willelmo de Wytington Waltero de Ludham Willelmo de Sutton Radulpho de Welewyk Willelmo de Stuteville et Ricardo de Heuil militibus et dominis Ada de Merflet N de Bilton et aliis Datum apud Thorp idibus Maii pontificatus nostri anno tricesimo primo