Charter Document - 07010623
| Charter Number: | 07010623 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 - 1243 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hubertus de Burgo comes Cancie salutem in Domino Noveritis quod cum omnes domos nostras quas habuimus de abbate Westm in parochia Sancte Margarete apud Westm cum omnibus pertinentiis suis et omnes redditus et possessiones quas habuimus in domibus virgultis vivariis curtellegiis et omnibus rebus aliis inter abbatiam Westm et civitatem London concesserimus et dederimus Deo ad subsidium Terre Sancte et in redemptionem voti quod in susceptione crucis emisimus ad proficiscendum in Terram Sanctam in propria persona nisi forte legitimum impedimentum habuerimus et easdem domos cum omnibus reditibus et possessionibus et omnibus aliis supradictis absque aliquo retene mento nobis vel heredibus nostris discretis viris fratri Waltero de Sancto Martino ministro crucis Christi Laurentio de Sancto Albano rectore ecclesie de Attleburg et Ricardo de Wokindon rectori ecclesie de Annilers ad disponendum et venditioni exponendum reliquerimus secundum consilium et prudentiam sibi a Deo datam et secundum quod melius viderint succursus Terre Sancte et saluti anime nostre et animarum Margarete uxoris nostre Johannis filii nostri Margarete filie nostre et antecessorum et nostrorum successorum et ipsi Walterus Laurentius et Ricardus dictas domos cum reditibus possessionibus et omnibus rebus sine aliquo retene mento venerabili patri Waltero Eboracensi archiepiscopo Anglie primati pro quadringentis marcis sterlingorum in subsidium Terre Sancte conferendis vendiderunt et eundem in plenam seisinam omnium predictorum posuerunt nos dictas venditionem et saisinam ratas habentes et gratas illas presenti carta nostra sigillo nostro roborata duximus confirmare His testibus Willelmo de Haverull tunc thesaurario domini regis Petro Grimbald Rad de Ely tunc baronibus scaccarii Rad de Laycestre Johanne le Franceys magistro Thoma Essewi Reinerio de Bungei tunc majore London Mich Thorn Johanne de Gilor tunc vicecomite London