Charter Document - 07010620
| Charter Number: | 07010620 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1241 |
| Date type: | Internal, Calendar, Episcopal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas salutem in Domino Noveritis quod cum ecclesia de Barneburg vacaret nos de assensu capituli Suthwell patronorum ejusdem de eadem taliter duximus ordinandum videlicet quod quandocunque contigerit eam vacare idem capitulum ad ipsam nobis vel successoribus nostris virum idoneum presentabunt qui a nobis vel eisdem successoribus nostris in eadem ecclesia canonice institutus eam integre possidebit sustinendo omnia onera consueta et debita et solvendo annuatim duobus presbyteris duobus diaconis et duobus subdiaconis ab eodem capitulo assignandis viginti et tres marcas ad quatuor terminos scilicet presbyteris ad Natale Domini quadraginta solidos diaconis viginti solidos et subdiaconis sex decem solidos et octo denarios et ad Pascha presbyteris quadraginta solidos diaconis viginti solidos et subdiaconis sex decem solidos et octo denarios et ad Pentecosten presbyteris quadraginta solidos diaconis viginti solidos et subdiaconis sex decem solidos et octo denarios et ad festum Sancti Michaelis presbyteris quadraginta solidos diaconis viginti solidos et subdiaconis sex decem solidos et octo denarios qui inperpetuum ad altare Beati Thome martyris in ecclesia Suthwell pro animabus bone memorie regis Johannis Briani de Insula patris ac matris fratrum sororum omniumque parentum et benefactorum domini Roberti de Lexinton canonici Suthwell et etiam pro cunctis fidelibus vivis ac defunctis Divina officia quotidie celebrabunt sequentes chorum ecclesie Suthwell more vicariorum et dicentes quotidie Placebo Dirige et Commendationem pro dictis defunctis coram prefato altari una cum capellano qui per assignationem ipsius domini Roberti ibidem ministrat eis tamen ex presenti ordinatione ad hujusmodi dicenda die quo in eorum presentia in choro dicta fuerint nullatenus obligatis Qui quidem diaconi et subdiaconi alternatim per suas ebdomadas ad magnam missam in suis ordinibus ministrabunt percipientes stipendia que diaconi et subdiaconi pro qualitate personarum tempore ministerii sui de communia consueverunt percipere et tam in celebratione missarum quam in exequiis defunctorum in dicto altari prefatis capellanis deservient Omnes autem tam capellani quam clerici celebrationi misse Beate Marie quotidie intererunt ni rationabili causa fuerint impediti Solvet et supradictus institutus eisdem capellanis annuatim dimidiam marcam in festo Sancti Petri ad Vincula ad sustentationem luminaris ornamentorum et aliorum que in prefato altari predicto officio fuerint necessaria et tresdecem libras cere de quibus fient duo cerei qui diebus passionis et translationis Beati Thome martyris super altare predictum ardebunt residuo ipsius cere pro opportunitate loci et temporis ejusdem altaris usibus deputato et viginti septem libras cere capitulo memorato ad faciendum unum cereum qui ad omnes horas canonicas et ad omnes missas in majore altari celebrandas continue ardebit in ecclesia Suthwellensi Et ut premissa ordinatio rata et stabilis perseveret in posterum presens scriptum sigilli nostri munimine fecimus roborari Datum apud Oxeton septimo idus Octobris pontificatus nostri anno vicesimo sexto Testibus magistro Johanne de Langeton canonico Eboracensi dominis Petro de Fighelden Reginaldo de Stowe Alano de Hesel Rogero de la Leye clericis nostris et aliis