Charter Document - 07010619
| Charter Number: | 07010619 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, A.D., Calendar |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Walterus Dei gratia Eboracensis archiepiscopus Anglie primas salutem in Domino Cupientes tam ecclesie nostre quam successorum nostrorum pro commodis providere universitati vestre notum facimus nos concessisse dedisse assignasse et hac presenti carta confirmasse dilectis in Christo filiis capitulo Eboracensi mansum nostrum in villa de Thorp Sancti Andree cum edificiis gardinis vivario que infra illud mansum fieri fecimus et omnes terras cum hominibus reditibus pratis et omnibus aliis ad dictas terras pertinentibus videlicet quicquid habuimus in eadem Thorp Sancti Andree de cujuscunque dono fuerit sine aliquo retene mento ex australi parte aqueductus que vocatur Caldecotesik et descendit de bosco de Thorp per berchariam in vivarium et de vivario usque fluvium Use et ipsum vivarium cum molendino aquario supra illud sito et totam terram prebende de Bichehill cum redditu denariorum et gallinarum servitiis et omnibus aliis pertinentiis excepto capitali manso assignato prebende de Knaresburgh et totam terram cum edificiis et aliis pertinentiis que habuimus de Petro Crasso et Ernaldo de Naburn clerico in suburbio Eboracensi juxta barram in Mikelgate et totam terram cum pertinentiis quam habuimus in Beverlaco de Philippo de Dalton et unam bovatam terre in Schiteby cum pertinentiis et redditum trium solidorum et trium denariorum in Thorp cum pertinentiis que habuimus de Johanne Flambard ita videlicet quod idem capitulum Eboracense concedant successoribus nostris qui pro tempore fuerint predicta omnia tenenda et habenda pro viginti marcis sterlingorum annuatim ad festum Sancti Martini in hyeme solvendis thesaurario Eboracensi qui pro tempore fuerit super quarum solutione fideliter facienda unusquisque successorum nostrorum cartam suam ante ingressum suum conficiat capitulo memorato Idem autem thesaurarius dictam pecuniam hoc modo distribuat videlicet uni capellano qui per decanum et dictum capitulum nostrum et si non fuerit decanus per solum capitulum instituatur celebraturo perpetuo in capella nostra de Thorp Sancti Andree pro animabus clare memorie Johannis quondam regis Anglie nostra et omnium fidelium defunctorum sex libratas sterlingorum ad duos terminos scilicet sexaginta solidos ad Pentecosten et sexaginta solidos ad festum Sancti Martini in hyeme et viginti solidos ad luminaria in termino Pentecostes et die anniversarii nostri singulis canonicis Eboracensis ecclesie qui eadem die exequiis nostris intererunt celebrandis tres solidos singulis autem vicariis duos solidos ac singulis diaconibus et subdiaconibus duodecim denarios singulis autem clericulis de choro tres denarios annuatim persolvat Residuum vero dictarum viginti marcarum per visum capituli pauperibus distribuatur ipso die Vacante siquidem sede Eboracensi dictum capitulum premissa omnia integre habeant et teneant solvendo dicto thesaurario viginti marcas ut premissum est per ipsum quibus supradiximus assignandas donec aliquis preficiatur Eboracensis ecclesie qui ipsam velit suscipere onere supradicto Si vero aliquis successorum nostrorum ea cum prefato onere habere noluerit dictum capitulum omnia premissa habeant cum onere memorato ut predictum est donec aliquis preficiatur dicte ecclesie qui ipsam velit habere cum onere supradicto Excommunicamus autem de consensu capituli nostri omnes qui contra hanc ordinationem venerint vel idem manerium alteri quam archiepiscopo vel alicui de eodem capitulo consenserint Et ut hec omnia premissa stabilia et rata permaneant presens scriptum sigilli nostri et sigilli ipsius capituli munimine est corroboratum Testibus dominis Fulcone Basseth decano Simone de Evesham precentore Roberto Haget thesaurario Laurentio de Lincoln archidiacono Eboracensi Johanne Romano archidiacono Richemund magistris Waltero de Kirkeham Gilberto Tuya Stephano de Ecclesfeld Nicholao de Ebor Willelmo Passemer Johanne de Langeton Johanne de Tuya Simone de Sancto Egidio subdecano Henrico de Grey canonico Eboracensi dominis Willelmo de Widington Waltero de Ludham militibus et aliis Acta anno gratie mcc quadragesimo primo xj kalendas Aprilis