Charter Document - 07010616
| Charter Number: | 07010616 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1238 - 1244 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas Fulco decanus et capitulum Eboracense salutem in Domino Noveritis nos ad petitionem magistri Laurentii de Lincoln archidiaconi Eboracensis et canonici nostri statuisse quod in ecclesiis prebende sue scilicet de Wetewang et de Fridaythorp et de Kirkeby super Querf vicarii sint perpetui qui parochiarum curam habeant et tam ecclesiarum quam capellarum suarum onera sustineant inperpetuum Ipsorum autem taliter taxavimus vicarias videlicet quod vicarius de Wetewange ut servitium capelle de Fimmer possit una cum aliis oneribus et curis premissis inperpetuum sustinere habebit nomine vicarie totum alteragium ipsius ecclesie et capelle reddendo inde annuatim canonico viginti marcas sterlingorum ad duos terminos anni scilicet unam medietatem ad Pascha et aliam medietatem in festo Sancti Michaelis Vicarius vero de Fridaythorp habebit totum alteragium ejusdem loci nomine vicarie solvendo inde annuatim modo premisso duos solidos canonico predicto terminis prenominatis Vicarius autem de Kirkeby super Querf habebit totum alteragium ejusdem loci nomine vicarie solvendo inde annuatim modo premisso quinque marcas dicto canonico terminis prefatis De terris siquidem seu reditibus ipsarum ecclesiarum vel capellarum sive decimis molendinorum fenorum bosci turbarum glandis pannagii vel aliquorum fructuum ex agricultura provenientium presentibus vel futuris nihil ad predictos vicarios vel aliquem eorum exceptis decimis curtilagii pertinebit Sane dicte prebende canonicus quem ab omnimodarum decimarum prestatione et qualibet consuetudine parochiali statuimus esse immunem et posse liberam ubi voluerit in curia sua capellam construere in qua capellanum proprium cum voluerit habeat celebrantem Divina sibi et familie sue ministrantem oblationibus sibi factis in usus ipsius capellani cessuris nobis scilicet decano et capitulo ad dictas vicarias cum vacaverint viros idoneos per nos instituendos ibidem presentare debebit custodia ipsarum cum vacaverint penes canonicum remanente Porro vicarii jurabunt canonico fidelitatem et obedientiam et quod annuum redditum pretaxatum canonico fideliter solvent terminis suprascriptis