Charter Document - 07010615
| Charter Number: | 07010615 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1240 |
| Date type: | Internal, A.D., Calendar |
| Resource Link(s): |
|
Charter:
Omnibus Christi fidelibus ad quos hoc scriptum pervenerit Walterus Dei gratia Eboracensis archiepiscopus Anglie primas Fulco decanus et capitulum Eboracense salutem in Domino Noveritis nos ad petitionem Sewalli de Bovilla canonici nostri Eboracensis statuisse quod in ecclesiis de Shirburn Fenton et Sancto Mauricio in Munkesgate prebende sue annexis vicarii sint perpetui qui parochiarum curam habeant et tam ecclesiarum quam capellarum suarum onera sustineant inperpetuum Ipsorum autem taliter taxavimus vicarias Videlicet quod vicarius de Shirburn ut servitium capella Beate Marie constructe in cimiterio de Shirburn provisum a bone memorie magistro Roberto de Winton possit una cum aliis oneribus et curis premissis inperpetuum sustineri reditibus terris et legatis ejusdem capelle penes canonicum remanentibus habebit nomine vicarie totum alteragium ipsius ecclesie et capellarum suarum reddendo inde annuatim canonico triginta quinque marcas sterlingorum ad duos terminos anni scilicet unam medietatem ad Pascha et aliam medietatem in festo Sancti Michaelis Vicarius vero de Fenton habebit totum alteragium ejusdem loci nomine vicarie solvendo inde annuatim modo premisso sex marcas sterlingorum predicto canonico terminis prenominatis de terris siquidem seu reditibus ipsarum ecclesiarum vel capellarum sive decimis molendinorum fenorum bosci turbariarum glandis pannagii vel aliquorum fructuum ex agricultura provenientium presentibus vel futuris nihil ad predictos vicarios vel eorum alteri exceptis decimis curtilagii pertinebit Vicarius autem ecclesie Sancti Mauricii in Munkgate omnes obventiones et decimas ipsius ecclesie percipiet nomine vicarie solvendo inde annuatim canonico quatuor marcas sterlingorum terminis supradictis Verum quando canonicus conferet ad onera Eboracensis ecclesie relevanda vicarius de Shirburn in quinta parte collationis faciende vicarii vero de Fenton et de Sancto Mauricio in parte duodecima ipsum juvabunt Idem etiam facient si aliquod aliud onus ipsi canonico ratione prebende immineat aliquando Sane dicte prebende canonicus quem ab omnimodarum decimarum prestatione et qualibet consuetudine parochiali statuimus esse immunem et posse liberam ubi voluerit in curia sua capellam construere in qua capellanum proprium cum voluerit habeat celebrantem et Divina sibi et sue familie imministrandum oblationibus ibi factis in usus ipsius capellani cessuris nobis scilicet decano et capitulo ad dictas vicarias cum vacaverint viros idoneos per nos instituendos ibidem presentare debebit custodia ipsarum cum vacaverint penes canonicum remanente Porro vicarii jurabunt canonico fidelitatem et obedientiam et quod ad onera canonici sive prebende conferent ut premisimus et quod annuum redditum pretaxatum canonico fideliter solvent terminis suprascriptis Acta mense Octobris anno Domini millesimo cc quadragesimo