Charter Document - 07010611
| Charter Number: | 07010611 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 - 1237 |
| Date type: | Assigned |
| Resource Link(s): |
|
Charter:
Universis Sancte matris ecclesie filiis ad quos presentes litere pervenerint Stephanus prior de Pontefracto et ejusdem loci conventus salutem in Domino Cum contentio mota esset inter nos ex una parte et G decanum et capitulum beati Petri Eboracense ex altera super ecclesia de Ledesham et aliquamdiu agitata tandem unanimi consensu tam nos quam ipsi predictam ecclesiam de Ledesham cum omnibus pertinentiis suis ordinationi venerabilis patris Walteri Eboracensis archiepiscopi et magistrorum Roberti precentoris Walteri archidiaconi Estriding Johannis subdecani et Willelmi de Suwell canonicorum Eboracensium pure commisimus et absolute Qui quidem habito consilio et deliberatione hoc modo ordinaverunt In primis statuentes quod perpetuus vicarius sit in ecclesia de Ledesham archiepiscopo per predictos priorem et conventum presentandus Qui quidem vicarius omnia onera debita et consueta tam ecclesie de Ledesham quam capelle de Fareburn sustinebit Et ad vicariam predictam perpetuo assignaverunt totum alteragium cum tota terra et prato pertinentibus tam ad ecclesiam predictam quam ad ejus capellas cum decimis fenorum et molendinorum totius parochie exceptis decimis feni de Castilford Capellam vero de Fareburn cum omnibus pertinentiis suis excepta portione vicarie ecclesie de Ledesham perpetuo assignata commune ecclesie assignaverunt Ecclesiam vero de Ledesham cum omnibus pertinentiis suis excepta capella de Farburn cum suis pertinentiis que commune Eboracensis ecclesie est assignata et excepta portione quam vicarie perpetuo assignaverunt antedictis priori et conventui inperpetuum concesserunt Nos autem hanc ordinationem acceptantes et gratanter pro bono pacis suscipientes unanimi consensu approbamus et sigilli nostri munimine confirmamus