Charter Document - 07010607
| Charter Number: | 07010607 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1237 |
| Date type: | Internal, Calendar, Papal |
| Resource Link(s): |
|
Charter:
Gregorius [] archiepiscopo Eboracensi Sua nobis Fulco prepositus ecclesie Beverlacensis tue dioeceseos petitione monstravit quod cum olim in ipsa ecclesia cum necessaria vite hominum minori pretio habebantur fuerit propter rerum affluentiam minus provide ordinatum ut prepositi qui essent pro tempore victus ciborum qui vulgariter corrodis nuncupantur sub immoderata quantitate et numero ferculorum de bonis prepositure canonicis capellanis clericis et ministris ejusdem ecclesie in refectorio de Bederna jugiter ministrarent et nunc multo plus solito res cariores existant ac nonnulli iniquitatis filii bona predicte ecclesie rapiant et pro viribus ad impugnanda jura et libertates ipsius insurgant Ex hoc illa consurgit absurditas quod ipsa ordinatione in multitudine ac exquisitione ciborum servata dum uni tantum in carnibus et piscibus ministratur quantum tibi vel pluribus sufficeret competenter bona dicte prepositure in ciborum superfluitatem et comessationes illicitas fere totaliter transeunt ecclesie libertates et jura dum remanent indefensa cum nec ipse illa taliter bonis destitutus eisdem defendere valeat nec ea alius defendat depereunt et sibi prepositi officium est damnosum qui sic aliis abundantibus licet ipse caput existat percipit egestatem ceterum ciborum reliquie quas dicti canonici et alii deberent pauperibus exhibere per eosdem a quibus in hoc minime salus animarum attenditur venduntur turpiter et in pravos usus alios illicite convertuntur Quare nobis idem prepositus humiliter supplicavit ut super hoc providere misericorditer curaremus ideoque mandamus quatenus personaliter accedens ad locum et habens per oculis solum Deum vocatis qui fuerint evocandi et facultatum ipsius prepositure qualitate pensata sic corrodis predicta secundum Deum et facultatum ipsarum exigentiam studeas moderari quod dictis canonicis et aliis congrua victualium provisio et prefato preposito suisque successoribus competens de prepositure proventibus sustentatio reservetur ut exinde jura et libertates ipsius valeant prout expedit per eundem prepositum defensari Contradictores [] Datum Viterbii xvj kalendas Maii anno undecimo