Charter Document - 07010606
| Charter Number: | 07010606 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1235 - 1245 |
| Date type: | Assigned |
| Resource Link(s): |
Durham Cathedral Archive - Cartulary III (fi41r) |
Charter:
Universis Sancte matris ecclesie filiis has literas visuris vel audituris Thomas prior Dunelmensis ecclesie et ejusdem loci conventus salutem eternam in Domino Cum jus patronatus medietatis ecclesie Sancte Trinitatis in Eboraco ad nos pertineat et jus alterius medietatis ad dominum Eboracensem archiepiscopum pertinere dinoscatur nos attendentes unam medietatem sine reliqua ad sustentationem alicujus non posse sufficere dictam ecclesiam quantum in nobis est decernimus fore consolidandum Piis igitur et spiritualibus precibus domini Walteri archiepiscopi Eboracensis Anglie primatis devote inclinantes quicquid juris in medietate dicte ecclesie habuimus dispositioni sue committimus pro motu animi sui in pios usus salubriter convertendum In cujus rei testimonium presens scriptum sigillo capituli nostri unanimiter duximus corroborare