Charter Document - 07010605
| Charter Number: | 07010605 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1235 |
| Date type: | Internal, Calendar, Papal |
| Resource Link(s): |
|
Charter:
Gregorius [] archiepiscopo Eboracensi Exposita nobis tue fraternitatis petitio continebat quod cum inter rectores parochialium ecclesiarum ex parte una et religiosos tue dioecesis ex altera coram te super decimis de terris ab eisdem religiosis possessis et per ipsos ad culturam de novo redactis quas rectores predicti exigunt ab eisdem exorta materia questionis nominati religiosi privilegium quoddam Apostolicum super immunitate decimarum de novalibus eis concessum per quod super his se tueri nituntur in judicio ostendissent rectores prefati in contrarium proposuerunt illud privilegium eos in hac parte non posse tueri cum terre predicte antequam pervenissent ad ipsos et per eos ad culturam redacte fuissent premissarum ecclesiarum existerent decimales Quare fuit a nobis ex parte tua humiliter postulatum ut quid tibi super hujusmodi negotio sit agendum certificare per nostras literas dignaremur Nos igitur consultationi tue relatione presentium taliter respondemus quod si rectores predicti in quasi possessione percipiendi de jam dictis terris decimas existebant eo tempore quo religiosi prefati privilegium obtinuere predictum per illud a prestatione decimarum de terris prescriptis minime sunt exempti Datum Perusii iiij kalendas Maii anno nono