Charter Document - 07010604
| Charter Number: | 07010604 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit prior et conventus ecclesie cathedralis Candida Case salutem in Domino Cum ecclesia nostra predicta pastore esset destituta ecclesie nostre providere volentes ne lupus diutius gregem Dominicum invaderet desolatum nos tandem assensu domini regis Scotie qui modo Galwezzan tenet requisito invocata Spiritus Sancti gratia cum maxima deliberatione dominum Odonem Ydonc concanonicum nostrum virum literatum honestum modestum et religiosum unanimiter et concorditer canonice secundum quod moris est elegimus in pastorem vocatis omnibus qui de jure fuerant evocandi Et quamvis nobis videbatur virorum prudentum consilio ductis formam electionis sue sufficienter in consimili scriptura signis nostris consignata fuisse expressam videlicet cum canonice et unanimiter et concorditer eundem elegimus secundum quod moris est tamen ne quid electioni predicte obstare possit nihil priori scripture derogantes formam predicte electionis quodammodo generalem hoc modo specificamus Vacante sede cathedralis ecclesie nostre Candide Case intravimus capitulum nostrum tertia Dominica Quadragesime proximo preterita super electione pastoris tractaturi qui coram omnibus qui de jure debuerant voluerant et commode potuerunt interesse tres de capitulo nostro collegiato fide dignos unanimiter et concorditer elegimus videlicet dominum Paulinum et dominum Bricium et dominum Cristinum concanonicos nostros qui secreto et sigillatim vota cunctorum diligenter exquisierunt cum omnes unanimiter et concorditer dictum Odonem canonicum nostrum quod dictum est consenserunt votis autem omnium in scriptis redactis intravimus ecclesiam nostram cathedralem Candide Case et coram omnibus dicta scriptura publicata omnes unanimiter et concorditer dictum Odonem prout dicta scriptura testabatur concessimus ut dicte ecclesie nostre cathedrali Candide Case preesset in pastorem In cujus electionis testimonium Capituli nostri una cum signo prioris nostri quem super premissis nostrum constituimus procuratorem tam ad agendum quam ad defendendum et si necesse fuerit pro jure cathedralis ecclesie nostre Candide Case ad apparendum fideliter fecimus apponi Valeat universitas vestra semper in Domino